پاکستان عوامی مسلم لیگ کے سربراہ شیخ رشید احمد کی سوشل میڈیا پر لگائی گئی ویڈیو سب کی توجہ کا مرکز بن گئی، ویڈیو میں سڑکوں پر لاکھوں گاڑیوں کی لمبی قطاریں دیکھی جا سکتی ہیں، لیکن اس ویڈیو نے کئی سوالات بھی اٹھائے، کیا یہ گاڑیوں کا قافلہ راوالپنڈی لانگ مارچ کی طرف گامزن تھا ؟ آخر یہ گاڑیاں ہیں کہاں کی اور کہاں جا رہی تھیں ؟ ان سب سوالوں کے جواب اور ویڈیو کی اصل حقیقت ہم نیوز سامنے لے آیا۔
گزشتہ رات شیخ رشید نے ایک ویڈیو اپنے آفیشل ٹوئٹر اکاونٹ پر شئیر کی، جس میں انہوں نے کوئی کیپشن تو نہیں دیا ، لیکن ویڈیو کے پیچھے ابرارلحق کے گانے سے یہ تاثر دیا گیا کہ یہ پاکستان تحریک انصاف کے چئیرمین عمران خان کے کسی جلسے یا لانگ مارچ کی فوٹیج ہے، اس فوٹیج کو اب تک 8 ہزار سے زائد افراد شئیر بھی کر چکے ہیں۔
— Sheikh Rashid Ahmed (@ShkhRasheed) November 27, 2022
لیکن حقیقت اس کے برعکس ہی تھی، یہ ویڈیو کسی لانگ مارچ کی تو کیا پاکستان کی ہی فوٹیج نہیں ہے۔
سابق وزیر داخلہ شیخ رشید نے جو ویڈیو لگائی وہ دراصل 5 سال پرانی لاس اینجلس کی فوٹیج ہے، جہاں ۔۔ تھینکس گونگ ڈے ۔۔ کے دن لاکھوں گاڑیاں ٹریفک جیم میں پھنس گئی تھیں، اور اس ویڈیو کو ہر بین الاقوامی میڈیا نے بھی رپورٹ کیا تھا۔
شیخ رشید کی ویڈیو کے نیچے صارف وقاص فاروقی نے 5 سال پرانی اصل ویڈیو کا لنک پوسٹ کرتے ہوئے لکھا کہ کیا لاس انجیلس سے بھی لوگ لانگ مارچ میں شریک ہو رہے ہیں۔
Los Angeles se bhee log Long March mei shareek ho rahay hain?
— Waqas Farooqi (@WaqasAFarooqi) November 27, 2022
صارفین نے تو شیخ رشید کی ویڈیو پر کئی دلچسپ تبصرے کیے، لیکن وفاقی وزیر برائے ہوا بازی و پاکستان ریلوے خواجہ سعد رفیق بھی پیچھے نہ رہے، انہوں نے بھی ویڈیو پر کمنٹ کرتے ہوئے لکھا ”لاس اینجلس اب جاگ اٹھا ہے”
correction:
اب جاگ اٹھا ہے Los Angeles 😂— Khawaja Saad Rafique (@KhSaad_Rafique) November 27, 2022
صارف شرجیل نے لکھا کہ جناب یہ کہاں کے مناظر ہیں اور یہ سڑک پاکستان میں کہاں پر پائی جاتی ہے ذرا رہنمائی فرما دے؟
جناب یہ کہاں کے مناظر ہیں اور یہ سڑک پاکستان میں کہاں پر پائی جاتی ہے ذرا رہنمائی فرما دے؟؟؟
— Syed Sharjeel Ahmad Qureshi (@PP78Sargodha) November 28, 2022
تاہم صارف سعد علی نے لکھا کہ شیخ رشید نے ٹوئٹ میں کہیں نہیں لکھا کہ یہ پنڈی کے مناظر ہیں، اور یہ سچ بھی ہے کیونکہ شیخ رشید نے ویڈیو تو شئیر کی لیکن اس پر کوئی کیپشن نہیں دیا۔
او یار ٹویٹ میں تھوڑی لکھا ہے کہ یہ پنڈی ہے
— Saad Ali (@SaadAli_9) November 27, 2022
واضح رہے سابق وزیراعظم عمران خان نے 26 نومبر کو راولپنڈی میں ایک بڑا جلسہ کیا، جس میں ہزاروں لوگوں نے شرکت کی، اسے جلسے میں خطاب کرتے ہوئے انہوں نے جلد خیبر پختون خوا اور پنجاب اسمبلی تحلیل کرنے کا اعلان بھی کیا۔