اسلام آباد: سابق وفاقی وزیر اطلاعات اور پاکستان تحریک انصاف (پی ٹی آئی) کے رہنما فواد چودھری نے کہا ہے کہ ملک میں بحران غیر منتخب اداروں کے سیاسی کردار کی وجہ سے ہے۔
پی ٹی آئی کے رہنما فواد چودھری نے سماجی رابطے کی ویب سائٹ ٹوئٹر پر لکھا کہ اسمبلیاں اس وقت عوام کی نمائندگی نہیں کر رہیں اور عوام حقیقی آزادی مارچ کے لیے باہر نکلیں۔
انہوں نے کہا کہ ان بنائے گئے بتوں کو توڑنے کا وقت ہے اور اسمبلیاں اسٹیٹس کو کی علامت ہیں اس لیے نظام میں شامل ہونا اس سسٹم کو تحفظ دینا ہے۔ ان بتوں کو توڑنے کے لیے عوام عمران خان کی آواز پر لبیک کہہ کر مارچ کی تیاری کریں۔
اسمبلیاں اس وقت عوام کی نمائندگی نہیں کر رہیں عوام #حقیقی_آزادی_مارچ کیلئے باہر نکلیں، ان بنائے گئے بتوں کو توڑنے کا وقت ہے اسمبلیاں Status Quo کی علامت ہیں نظام میں شامل ہونا اس نظام کو تحفظ دینا ہے ان بتوں کو توڑنے کیلئے عمران خان کی آواز پر لبیک کہو اور مارچ کی تیاری کرو
— Ch Fawad Hussain (@fawadchaudhry) October 6, 2022
فواد چودھری نے کہا کہ جمہوریت کا مذاق یہ ہے کہ پارلیمنٹ کے اراکین کی منڈی لگے اور سندھ ہاؤس میں گائے بھینسوں کی طرح اراکین کو خریدا فروخت کیا جائے۔ عدالتوں کی جانب سے اسپیکر اور وزیر اعظم کے فیصلے کا احترام نہ کرتے ہوئے ملک میں عام انتخابات روک دینا کیا یہ جمہوریت ہے۔
یہ بھی پڑھیں: فیصل واوڈا کیس میں تسلیم کیا گیا غلطی ہوئی، نااہلی بنتی ہے مگر تاحیات نہیں، چیف جسٹس
انہوں نے کہا کہ اس وقت ملک میں بحران غیر منتخب اداروں کے سیاسی کردار کی وجہ سے ہے۔
جمہوریت کا مذاق یہ ہے کہ پارلیمنٹ کے اراکین کی منڈی لگے سندہ ہاؤس میں گائے بھینسوں کی طرح ممبران کو خریدا بیچا جائے اور عدالتیں اسپیکر اور وزیر اعظم کا فیصلے کا احترام نہ کرتے ہوئے ملک میں عام انتخابات روک دیں اس وقت ملک کا بحران غیرمنتخب اداروں کے سیاسی کردار کی وجہ سے ہے
— Ch Fawad Hussain (@fawadchaudhry) October 6, 2022