اگست کے مہینے میں ٹیکس ریونیو 9 فیصد بڑھ کر 4 کھرب 89 ارب روپے تک پہنچ گیا۔
فیڈرل بورڈ آف ریونیو نے اگست میں 4 کھرب 89 ارب روپے کا ٹیکس ریونیو جمع کر لیا۔ جو اس ماہ کے لیے مقرر کردہ 4 کھرب 83 ارب روپے کے ہدف سے زیادہ ہے۔
FBR has collected net revenue of Rs. 489 billion during Aug 2022,against target of Rs.483 billion.Gross collection rose from Rs.462 billion in Aug last year to Rs.526, with 14% increase. Refunds paid in Aug of Rs.37 billion against Rs.14.3 billion last year,showing 161 % growth.
— FBR (@FBRSpokesperson) September 1, 2022
ایف بی آر کی جانب سے سوشل میڈیا پلیٹ فارم ٹوئٹر پر ایک پیغام میں کہا گیا ہے کہ مجموعی وصولی گزشتہ سال اگست کے دوران 4 کھرب 62 ارب روپے سے بڑھ کر 14 فیصد اضافے کے ساتھ 5کھرب26 ارب روپے ہوگئی ہے۔
یہ بھی پڑھیں:پاکستان کو آئی ایم ایف کی جانب سے ایک ارب 16 کروڑ ڈالر کی رقم موصول
ایف بی آر کےٹویٹ میں کہا گیا ہے کہ اگست کے دوران ادا کیے گئے 37 ارب روپے کے ریفنڈز گزشتہ سال ادا کیے گئے 14.3 ارب روپے کے مقابلے میں 161 فیصد زیادہ ہے۔
خیال رہے کہ رواں مالی سال کے ابتدائی دو ماہ میں ریونیو کی وصولی 9 کھرب 26 ارب روپے کے ہدف کے مقابلے میں 9 کھرب 48 ارب روپے رہی جو کہ 2.37 فیصد زیادہ ہے۔