ظفر اقبال حسین الیکشن کمشنر پنجاب تعینات


لاہور: الیکشن کمیشن سیکرٹریٹ کے ایڈیشنل سیکرٹری ظفر اقبال حسین نے الیکشن کمشنر پنجاب  کا چارج سنبھال لیا ہے۔ انہیں الیکشن کمیشن میں سب سے سینیئر ہونے کی وجہ سے تعینات کیا گیا ہے۔ اس سے پہلے یہ اضافی چارج شریف اللہ کے پاس تھا۔

ظفر اقبال حسین نے میڈیا سے بات کرتے ہوئے  بتایا کہ عام انتخابات کی تیاریاں مکمل  کرلی گئی ہیں ریٹرننگ افسروں کو انتخابات سے متعلق ابتدائی سامان آیندہ دو روز میں فراہم کردیا جائے گا۔ اسسٹنٹ پریذائڈنگ افسران اور معاون عملے کی تربیت مکمل ہو چکی ہے۔ پریذائڈنگ افسران کی تربیت 15 جون  سے شروع ہو گی۔ انتہائی حساس پولنگ سٹیشنز پر سی سی ٹی وی کیمرے نصب کئے جائیں گے لیکن فوج کی تعیناتی سے متعلق ابھی فیصلہ نہیں ہوا۔

انہو نے کہا کہ قانون کے تحت نئی حلقہ بندیوں سے متعلق آنے والی درخواستیں نمٹانا الیکشن کمشین کا اختیار ہے۔ انتخابات میں ڈیوٹی سرانجام دینے والے لوکل گورنمنٹ کے عملے کو معاوضے کی ادائیگی حکومت پنجاب کی ذمہ داری تھی تاہم الیکشن کمیشن نے اس حوالے سے حکومت پنجاب کو خط لکھ دیا تھا۔

 


متعلقہ خبریں