آسٹریلوی کرکٹر مارنوس لبوشین کا کہنا ہے کہ انہیں محمد رضوان سے گپ شپ کر کے بہت مزہ آتاہے۔
پاک آسٹریلیا کے درمیان کھیلے جانے والے کراچی ٹیسٹ کے بعد پی سی بی نے آسٹریلوی اور پاکستانی کرکٹرز کے گپ شپ کرنے کی تصاویر شیئر کیں۔
ان تصاویر پر تبصرہ کرتے ہوئے مارنوس نے کہا کہ 5 دن ٹیسٹ کرکٹ کھیلنے کے بعد ہوٹل میں واپس آکر 5 دن کی ٹیسٹ کرکٹ کے بارے میں بات کرتے ہیں۔
What do you do after playing 5 days of test cricket? Talk about the 5 days of test cricket back at the hotel of course https://t.co/sHI10NyQAj
— Marnus Labuschagne (@marnus3cricket) March 17, 2022
مارنوس لبوشین کی اس ٹویٹ پر ایک مداح نے لبوشین سے سوال پوچھا کہ انہیں کس پاکستانی کرکٹر سے گفتگو کر کے مزہ آتا ہے۔
آسٹریلوی بیٹر مارنوس نے سوال کا جواب دیتے ہوئے رضوان کا نام لیا۔ ان کا کہنا ہے کہ رضوان ایک عظیم انسان ہیں۔
@iMRizwanPak is a great person
— Marnus Labuschagne (@marnus3cricket) March 17, 2022
یاد رہے کہ اس سے قبل راولپنڈی ٹیسٹ میں پاکستانی اسپنر نعمان علی کی جانب سے کرائی گئی گیندمارنوس لبوشین کی کہنی پر جا لگی تھی۔ جس پر محمد رضوان مہمان ٹیم کے کھلاڑی مارنوس لبوشین کے بازو کو سہلاتے رہے تھے۔
