اسلام آباد میں جرائم کی شرح میں غیرمعمولی اضافہ ہوا ہے، ایک ہفتے کے دوران شہر میں قتل کی 4 وارداتیں ہوئیں جبکہ 10 افراد زخمی ہوئے۔
کرائم ڈیٹا کے مطابق ایک ہفتے کے دوران شہر میں سنگین جرائم کی 100 وارداتیں ہوئیں۔
اس عرصے میں لڑائی جھگڑے کے 12واقعات میں 3 خواتین سمیت 18افراد زخمی ہوئے، جبکہ 12موٹرسائیکلیں اور 15گاڑیاں چھینی گئیں۔
چوری کے 14 واقعات رپورٹ ہوئے، جن میں مویشی چوری کا بھی واقعہ شامل ہے۔ بینک کی کیشن وین سے 3 کروڑ روپے چھیننے کی واردات سمیت ڈکیتی کی 8 وارداتیں ہوئیں۔
یہ بھی پڑھیں: اسلام آباد: ڈاکوؤں نے بینک کی گاڑی لوٹ لی
خواتین کے اغواء کے 5واقعات رپورٹ ہوئے ، موبائل اسنیچنگ کی 12وارداتیں سامنے آئیں جبکہ زنا اور بدفعلی کے 4واقعات بھی رپورٹ ہوئے ہیں۔
جی الیون میٹرو سٹیشن کے واش روم سے 11 سالہ بچی کی لاش برآمد ہوئی، جبکہ حساس ادارے کے ریٹائرڈ افسر کے جی الیون میں واقع گھرمیں بھی ڈکیتی کی واردات بھی ہوئی۔
