وفاقی دارالحکومت اسلام آباد کے شہریوں کے لیے اچھی خبر آ گئی۔ انتظامیہ نے منڈی موڑ سے فیض آباد جانے والی خستہ حال روڈ آئی جے پی روڈ کی مرمت کا کام شروع کر دیا ہے۔
ڈپٹی کمشنر اسلام آباد حمزہ شفقات کی جانب سے سماجی رابطوں کی ویب سائٹ ٹوئٹر سے جاری پیغام میں بتایا گیا ہے کہ آئی جے پی روڈ کی مرمت کا کام آج سے شروع ہو گیا ہے۔
اپنی ٹوئٹ میں انہوں نے مزید بتایا کہ اے سی اسلام آباد نے روڈ کے گرد تجاوزات کے خاتمے کے لیے بھی آپریشن کا آغاز کر دیا ہے۔
Good news for Islamabad. Work has started on IJP Road. Today AC @AwaidBhatti also carried out operation against encroachments to clear its Right of Way pic.twitter.com/a2ZUwO747t
— Office of Deputy Commissioner Islamabad (@dcislamabad) August 25, 2021
خبر سامنے آنے کے بعد سوشل میڈیا پر اسلام آباد کی انتظامیہ کے اس اقدام کو خوب سراہا جا رہا ہے۔
ایک صارف نے ڈی سی اسلام آباد کو مخاطب کرتے ہوئے لکھا کہ سر IJP روڈ پر کام شرو ع کرنے پر ہم اسلام آباد اور راولپنڈی کی عوام آپ کو سلام پیش کرتے ہیں۔
