لاہور: پاکستانی گلوکار عاطف اسلم نے سارہ کے ساتھ اپنی شادی کو خوش قسمتی قرار دیدیا۔
معروف پاکستانی گلوکار عاطف اسلم اور سارہ بھروانا آج اپنی شادی کی 8ویں سالگرہ منا رہے ہیں۔ شادی کے 8 برس بعد بھی عاطف اسلم اپنی بیوی کے بے حد دیوانے ہیں اور سارہ کے ساتھ شادی کو اپنی خوش قسمتی سمجھتے ہیں۔
عاطف اسلم نے سوشل میڈیا پر سارہ کے ساتھ اپنی تصویر شیئر کی جس میں دونوں سرسبز گھاس پر بیٹھے انتہائی خوشگوار موڈ میں نظر آرہے ہیں۔
تصویر کے ساتھ لکھے جملے میں عاطف اسلم نے اپنی بیوی کو اپنی ملکہ قرار دیا۔ انہوں نے لکھا کہ ’’میں آج تک خوش ہوں کہ میری ملاقات تم سے ہوئی، نہیں تو پتہ نہیں کس سے شادی ہوجانی تھی۔
انہوں نے لکھا کہ ماشااللہ میں جن لوگوں کو جانتا ہوں ان میں سے تم سب سے مضبوط شخصیت ہو اور میں تمہارا شکریہ ادا نہیں کرسکتا کہ تم نے مجھے اتنے خوبصورت بچے دیے۔ میں تم سے بے حد محبت کرتے ہیں۔ شادی کی سالگرہ مبارک ہو۔‘‘
View this post on Instagram
عاطف اسلم ہر سال اپنی اہلیہ کو منفرد طریقے سے شادی کی سالگرہ کی مبارکباد دیتے ہیں۔ دونوں کے دو بیٹے ہیں اور وہ اُن دونوں بے حد محبت کرتے ہیں۔
واضح رہے کہ گلوکار عاطف اسلم اور سارہ بھروانہ سال 2013 میں رشتۂ ازدواج میں منسلک ہوئے تھے۔ عاطف اسلم اور اُن کی اہلیہ سارہ بھروانہ کے ہاں پہلے بیٹے کی پیدائش 2014 میں ہوئی تھی جس کا نام احد ہے۔ گلوکار کے ہاں دوسرے بیٹے کی پیدائش سال 2019 میں ہوئی تھی۔
