وفاقی وزیر اطلاعات شبلی فراز نے کہا ہے کہ بلاول بھٹو اور مریم نواز جمہوریت سے بہترین انتقام لے رہے ہیں۔
مائیکرو بلاگنگ ویب سائٹ ٹوئٹر پر شیئر کیے گئے پیغام میں شبلی فراز کا کہنا تھا کہ یہ لوگ پیسے سے لوگوں کے ضمیر خریدنے کی کوشش کرتے ہیں۔
بلاول بھٹو اور مریم نواز دونوں مل کر جمہوریت سے بہترین انتقام لے رہے ہیں۔ پیسے سے لوگوں کے ضمیر خریدنے کی کوشش کرتے ہیں اور پھر جمہوریت کے پیچھے چھپ جاتے ہیں۔ پاریٹوں پر قابض ہونے والے اتنے اہل اور لائق ہوتے تو کارکن کے طور پر پارٹی میں آتے ۔
— Senator Shibli Faraz (@shiblifaraz) March 9, 2021
وفاقی وزیر نے کہا کہ پاریٹوں پر قابض لوگ اہل اور لائق ہوتے تو کارکن کے طور پر پارٹی میں آتے۔
انہوں نے کہا کہ موروثی سیاست کرنے والے اپنے بچوں کو قوم پر مسلط کرنے کے در پے ہیں۔ عوام ان کے نئے دھوکے میں نہیں آئیں گے۔
یہ بھی پڑھیں: سینیٹ الیکشن: بلاول بھٹو اور حفیظ شیخ کی ملاقات
وزیر اطلاعات کا کہنا تھا کہ یہ چاہتے ہیں کہ لوٹ مار کا یہ کاروبار اسی طرح جاری رہے، قوم نے فیصلہ کرنا ہے کہ کرپشن کا خاتمہ کرنا ہے یا انہیں لوٹنے کا لائسنس دئیے رکھنا ہے۔
محمد نواز شریف اگر ووٹ کی عزت پر یقین رکھتے تو پاکستان میں ہوتے۔مولانا فضل الرحمان اپنے برخودار نور چشمی کو اپنی گدی کیلئے تیار کر رہے ہیں۔وزیر اعظم عمران خان قوم کو لوٹنے اور موروثی سیاست کرنے والوں کے راستے کی سب سے بڑی دیوار بن گئے ہیں ۔
— Senator Shibli Faraz (@shiblifaraz) March 9, 2021
شبلی فراز نے کہا کہ محمد نواز شریف اگر ووٹ کی عزت پر یقین رکھتے تو پاکستان میں ہوتے، مولانا فضل الرحمان اپنے برخودار نور چشمی کو اپنی گدی کیلئے تیار کر رہے ہیں۔
ان کا کہنا تھا کہ عمران خان موروثی سیاست کرنے والوں کے راستے کی دیوار بن گئے ہیں۔