اسلام آباد: ایڈیشنل اٹارنی جنرل آف پاکستان اشتیاق احمد خان اپنے عہدے سے مستعفی ہوگئے ہیں۔
ایڈیشنل اٹارنی جنرل اشتیاق اے خان کی استعفیٰ دینے کی تصدیق کرتے ہوئے کہا کہ ذاتی وجوہات کی بنا پر عہدے سے استعفیٰ دیا ہے۔
انہوں نے مزید بتایا کہ پاکستان بار کونسل کا الیکشن لڑنے کیلئے استعفیٰ دیا۔
مزید پڑھیں: ایڈیشنل اٹارنی جنرل کا مجھ پر الزام عدلیہ کیخلاف گھناؤنی سازش ہے، چیف جسٹس
خیال رہے کہ اس سے قبل ایڈووکیٹ جنرل پنجاب جمال احمد سکھیرا نے استعفیٰ دے دیا تھا۔
جمال احمد سکھیرا کا کہنا تھا کہ استعفیٰ انہوں نے ذاتی وجوہات کی بنا پر دیا ہے۔
گزشتہ سال اپریل میں وزیراعظم عمران خان کی منظوری کے بعد احمد جمال سکھیرا نے بطور ایڈووکیٹ جنرل پنجاب عہدے کا چارج سنبھالا تھا۔
انہوں نے احمد اویس کی جگہ اس عہدے کا چارج سنبھالا تھا جن کے خلاف لاہور ہائی کورٹ نے توہین عدالت کی کارروائی کا آغاز کردیا تھا۔
یہ بھی پڑھیں: اٹارنی جنرل پاکستان انور منصور عہدے سے مستعفی
جمال احمد سکھیرا وفاقی سیکرٹری برائے کامرس اور انڈسٹریز احمد نواز سکھیرا کے بھائی ہیں۔
