اسلام آباد: وفاقی وزیرسائنس و ٹیکنالوجی فوادچوہدری نے کہا ہے کہ پاکستان ٹیلی کمیونیکیشن(پی ٹی اے) اخلاقیات سدھارنے اورانٹرنیٹ پرپابندی کی سوچ نہ اپنائے۔
سماجی رابطوں کی ویب سائٹ ٹوئٹر پر وفاقی وزیر نے لکھا کہ انٹرنیٹ یا ایپس پرپابندی کی سوچ پاکستان کی ٹیکنالوجی انڈسٹری کو تباہ کردے گی۔
Courts and PTA must stay away from moral policing and Ban Approach,such bans on internet based Apps ll destroy Pak tech industry and development of technology ll be permanently hampered,we are still not out of woods b/o judges illadvised interferece in economic matters
— Ch Fawad Hussain (@fawadchaudhry) July 22, 2020
خیال رہے کہ آج ہی سپریم کورٹ نے سوشل میڈیا اور ویڈیو ویب سائٹ یوٹیوب پر قابل اعتراض مواد کا نوٹس لیا ہے۔ اس سے قبل پاکستان میں ویڈیو ایپ بیگو اور آن لائن گیم پب جی پر پابندی لگائی جا چکی ہے۔
یہ بھی پڑھیں:سپریم کورٹ کا یوٹیوب اور سوشل میڈیا پر قابل اعتراض مواد کا نوٹس
جسٹس مشیرعالم نے ریمارکس دیئے ہیں کہ کئی ممالک میں یوٹیوب بند ہے، امریکہ اور یورپی یونین کے خلاف مواد یوٹیوب پر ڈال کر دکھائیں۔کئی ممالک میں سوشل میڈیا کو مقامی قوانین کے تحت کنٹرول کیا جاتا ہے۔
پاکستان ٹیلی کمیونیکشن اتھارٹی(پی ٹی اے) نے غیر اخلاقی اور فحش مواد دکھانے کی شکایات کے بعد ویڈیو ایپ ٹک ٹاک کو بھی آخری وارننگ جاری کردی ہے۔
وفاقی وزیر برائے سائنس اینڈ ٹیکنالوجی فواد چوہدری نے اس سے قبل پی ٹی اے کی جانب سے پب جی گیم پر پابندی لگانے کی بھی مخالفت کی تھی۔
انہوں نے ٹویٹ کیا تھا کہ ایسے رویوں سے ٹیکنالوجی کی انڈسٹری تباہ ہو جائے گی، ہم ایسے فیصلوں کے معاشی نقصان کے متحمل نہیں ہو سکتے، امید ہے کہ وفاقی وزیر امین الحق اس معاملے کا نوٹس لیں گے، ایسے فیصلوں کے دوررس نتائج ہوتے ہیں۔
