اسلام آباد: بھارتی فوج نے لائن آف کنٹرول (ایل او سی) پر رکھ چکری اور راولاکوٹ سیکٹر پربلا اشتعال فائرنگ کردی جس کے نتیجے میں پاک فوج کے دو افسر زخمی ہوگئے۔
ڈی جی آئی ایس پی آر میجر جنرل آصف غفور نے اپنے ٹوئٹر پیغام میں بتایا کہ بھارتی فوج نے پاکستانی چوکیوں پر مارٹر گولے بھی داغے۔
Indian Army’s unprovoked firing in Rakhchikri, Rawalakot Sector along LOC. Mortor rounds fired on Pakistani Post. Indian fire effectively responded. During exchange of fire two officers of Pakistan Army got injured.
— DG ISPR (@OfficialDGISPR) December 1, 2019
انہوں نے بتایا کہ بھارتی فوج کی بلا اشتعال فائرنگ سے ایک کیپٹن اور ایک میجر زخمی ہوئے۔
بھارتی فوج کی جانب سے ایل او سی پر بلا اشتعال فائرنگ کا یہ پہلا واقعہ نہیں۔ رواں سال اگست میں بھی اسی طرح کے واقعے میں دو شہری شہید ہوگئے تھے۔
بھارتی فوج کی جانب سے ایل او سی کے قریب تتہ پانی سیکٹر میں شہری آبادی پر گولہ باری کی گئی جس میں مارٹر اور راکٹ سے شہری آبادی کو نشانہ بنایا گیا۔
بھارتی فوج کی بلا اشتعال فائرنگ سے 75 سالہ لال محمد اور 61 سالہ حسن دین شہید ہو گئے۔
پاک فوج کی بھرپور جوابی کارروائی میں 2 بھارتی فوجی مارے گئے جبکہ متعدد زخمی ہو گئے۔ جوابی کارروائی میں بھارتی چیک پوسٹ کو بھی شدید نقصان پہنچا۔
