ابوظہبی: متحدہ عرب امارات کے شہر ابوظہبی کی ایک دو منزلہ گھر میں آگ لگنے سے پانچ بچوں سمیت ایک ہی خاندان کے آٹھ افراد ہلاک ہو گئے۔
آگ ابوظہبی کے علاقے بنی یاس میں فجر کے وقت لگی۔ مقامی میڈیا کی رپورٹس کے مطابق آگ دو منزلہ گھر کے گراؤنڈ فلور میں لگی جس نے دیکھتے ہی دیکھتے پورے گھر کو اپنی لپیٹ میں لے لیا۔
آگ لگنے کے وقت گھر کے اندر 12 افراد موجود تھے۔ رپورٹس کے مطابق باقی چار افراد شدید زخمی ہیں جن کی حالت تشویشناک ہیں۔
اسپتال انتظامیہ کے مطابق تمام ہلاکتیں دم گھٹنے کے باعث ہوئی ہیں۔ ریسکیو ذرائع کے مطابق آگ لگنے کی وجہ ابھی تک معلوم نہیں ہو سکی۔