صدر مملکت آصف زرداری ، وزیراعظم شہباز شریف اور دیگر سیاسی رہنماؤں نے پشاور میں نجی اسکول کی چھت گرنے سے اموات پر افسوس کا اظہار کیا ہے۔
صوبائی دارالحکومت پشاور کے علاقے دیر کالونی میں نجی اسکول کی چھت گرنے سے 27 بچے اور 2 خاتون ٹیچر جاں بحق جبکہ 40 سے زائد زخمی ہوگئے ہیں۔ لیڈی ریڈنگ اسپتال پشاور کے ترجمان کا کہنا ہے کہ 40 زخمیوں میں سے 20 بچوں کی حالت تشویشناک ہے، بیشتر کو آئی سی یو میں منتقل کیا گیا ہے۔
صدر زرداری نے پشاور میں اسکول کی چھت گرنے سے بچوں کی اموات پر افسوس کا اظہار کرتے ہوئے غمزدہ خاندانوں سے اظہار تعزیت کیا ہے۔
یہ بھی پڑھیں
وزیراعظم شہباز شریف نے اسکول کی چھت گرنے سے جانی نقصان پر اظہار افسوس کرتے ہوئے جاں بحق بچوں کے لواحقین سے تعزیت کا اظہار کیا ہے۔
President Asif Ali Zardari and Prime Minister Shehbaz Sharif have expressed deep grief and sorrow over the loss of lives in the roof collapse at a private school in Peshawar. Both leaders extended condolences to the bereaved families and prayed for the deceased and the speedy recovery of the injured. The president also called for a comprehensive investigation and measures to ensure safety standards in educational institutions, while the prime minister directed that rescue operations be expedited.
@PresOfPakistan
@CMShehbaz#Peshawar #SchoolCollapse #PresidentZardari #PMShehbazSharif #PakistanTV
— Pakistan TV (@PakTVGlobal) October 15, 2026
وزیراعظم نے زخمیوں کی جلد صحت یابی کیلئے دعا کی اور طبی امداد فراہمی کی ہدایت کرتے ہوئے کہا کہ امدادی کارروائیاں تیز کی جائیں۔
گورنر خیبر پختونخوا فیصل کریم کنڈی نے بھی جاں بحق بچوں کے لواحقین سے اظہارتعزیت کرتے ہوئے زخمیوں کو فوری امداد فراہمی کی ہدایت کی ہے۔
The tragic loss of innocent children in the school roof collapse in Peshawar’s Dir Colony is deeply heartbreaking. I have instructed the Education Advisor to submit a detailed report on the incident and directed the relevant authorities to ensure that the injured children receive the best possible medical care. I have also directed a province-wide structural safety audit of all educational institutions to identify potential risks and ensure that immediate corrective measures are taken wherever necessary.
We cannot allow the safety of our children to be compromised. My heartfelt condolences are with the bereaved families, and I pray for the swift recovery of the injured children.— Faisal Karim Kundi (@fkkundi) October 15, 2026
وزیراعلیٰ مریم نواز نے پشاور میں اسکول کی چھت گرنے سے طلبہ کے جاں بحق ہونے پر افسوس کا اظہار کرتے ہوئے سوگوار خاندانوں سے دلی ہمدردی کا اظہار کیا ہے اور زخمی بچوں کی جلد صحت یابی کیلئے دعا کی ہے۔
مریم نواز کا مزید کہنا تھا کہ جاں بحق بچوں کے غمزدہ والدین کے دکھ کو سمجھ سکتی ہوں۔
گورنر پنجاب سردار سلیم حیدر خان نے اسکول کی چھت گرنے کے افسوسناک واقعہ میں خاتون ٹیچر سمیت معصوم بچوں کے جاں بحق ہونے پر گہرے دکھ اور افسوس کا اظہار کرتے ہوئے کہا کہ سوگوار خاندانوں کے غم میں برابر کا شریک ہوں۔
وزیراعلیٰ بلوچستان سرفراز بگٹی نے سانحہ پشاور پر افسوس کا اظہار کرتے ہوئے کہا ہے کہ قیمتی جانوں کا ضیاع دل دہلا دینے والا سانحہ ہے، سوگوار خاندانوں کے دکھ میں برابر کے شریک ہیں۔
دریں اثناء وزیر خارجہ اسحاق ڈار نے کہا ہے کہ وزیراعظم شہباز شریف نے پشاور کے اسکول واقعے کا نوٹس لیا ہے۔
اسحاق ڈار نے کہا اسکول واقعے میں قیمتی جانوں کے ضیاع نے پوری قوم کو غمزدہ کر دیا ہے، ہمارے بچے ہمارا سب سے قیمتی سرمایہ ہیں اور ہر ایسی موت پورے ملک کے لیے ایک سانحہ ہے، اللہ تعالیٰ مرحومین کو جنت میں اعلیٰ مقام اور لواحقین کو صبرِ جمیل عطا فرمائے۔
The collapse of a school roof in Peshawar, resulting in the tragic loss of 17 precious lives, has deeply pained the entire nation.
اِنَّا لِلّٰهِ وَإِنَّا إِلَيْهِ رَاجِعُونَ۔
Our children are our most precious asset, and every such loss is a tragedy for the entire country.
My heartfelt condolences and prayers are with the bereaved families. May Allah Almighty grant the departed the highest place in Jannah and bless their families with صبرِ جمیل and the strength to bear this irreparable loss. آمین۔
The Prime Minister @CMShehbaz and the Government have taken serious note of the situation. Ensuring the safety and protection of our children must remain paramount. All necessary measures must be taken to provide immediate assistance to those affected, ensure the best possible medical care for the injured, and strengthen safety standards in our schools to prevent such tragedies from recurring.
— Ishaq Dar (@MIshaqDar50) October 15, 2026
اسپیکر قومی اسمبلی سردار ایاز صادق نے چھت گرنے سے بچوں اور خاتون ٹیچر کے جانی نقصان پر گہرے دکھ اور افسوس کا اظہار کرتے ہوئے کہا ہے کہ معصوم بچوں کے جانی نقصان پر دل رنجیدہ ہے، غمزدہ خاندانوں کے دکھ اور غم میں برابر کا شریک ہوں۔
اسپیکر قومی اسمبلی نے زخمیوں کی جلد صحت یابی کے لیے دعا کرتے ہوئے کہا کہ زخمیوں کو فوری طبی امداد فراہم کی جائے۔
’حادثے کی اندوہناک خبر سے انتہائی صدمہ ہوا‘
علاوہ ازیں چیئرمین پاکستان پیپلز پارٹی بلاول بھٹو زرداری نے اسکول میں چھت گرنے کے نتیجے میں طلباء اور اساتذہ کے جاں بحق ہونے پر اظہار افسوس کرتے ہوئے کہا کہ حادثے کی اندوہناک خبر سے انتہائی صدمہ ہوا۔
بلاول بھٹو نے کہا کہ جاں بحق طلبا کے والدین کے غم کی شدت کا احساس ہے، انتظامیہ اپنی امدادی سرگرمیوں کو مزید تیز کرے اور ملبے تلے دبے افراد کو فی الفور نکالے، لیڈی ریڈنگ اسپتال میں لائے گئے زخمیوں کے علاج معالجے کے لئے مؤثر انتظامات کئے جائیں۔
مشیر اطلاعات ثمر ہارون بلور نے اسکول حادثے میں بچوں کی ہلاکتوں پر اظہارِ افسوس کرتے ہوئے کہا ہے کہ لیڈی ریڈنگ اسپتال میں ہم نے جو کچھ دیکھا وہ الفاظ میں بیان نہیں کیا جا سکتا، ہم اس مشکل گھڑی میں اپنے لوگوں کے دکھ اور غم میں برابر کے شریک ہیں۔
Heartbroken at the tragic loss of lives of innocent children in Dir Colony Peshawar. It’s beyond words what we have seen in LRH , May Allah make it easy for all the families of the victims
— Samar Haroon Bilour (@SamarHBilour) October 15, 2026
وفاقی وزیر پارلیمانی امور طارق فضل چوہدری نے کہا کہ پشاور کا واقعہ قومی سانحہ ہے، بچوں کی اموات پر ہر دل رنجیدہ ہے، اللہ تعالیٰ بچوں کو مغفرت اور زخمیوں کو جلد صحتیابی اور لواحقین کو یہ ناقابل تلافی صدمہ برداشت کرنے کا حوصلہ عطا فرئے۔
پشاور کے علاقے دیر کالونی میں نجی اسکول کی چھت گرنے کے افسوسناک واقعے میں ایک ٹیچر سمیت 17 معصوم بچوں کے جاں بحق ہونے پر دلی رنج و غم اور افسوس ہے۔ اس المناک سانحے نے ہر دل کو سوگوار کر دیا ہے۔
اللہ تعالیٰ جاں بحق ہونے والوں کی مغفرت فرمائے، ان کے اہلِ خانہ کو یہ ناقابلِ تلافی صدمہ برداشت کرنے کا حوصلہ عطا کرے اور زخمیوں کو جلد صحت یابی نصیب فرمائے۔ آمین۔
معصوم بچوں کی قیمتی جانوں کا ضیاع ایک قومی سانحہ ہے۔ ایسے واقعات کی روک تھام کے لیے تعلیمی اداروں کی عمارتوں کی حفاظت اور حفاظتی انتظامات کو یقینی بنانا ناگزیر ہے۔
— Dr. Tariq Fazal Ch. (@DrTariqFazal) October 15, 2026
سینئر وزیر سندھ شرجیل میمن نے کہا ہے کہ معصوم بچوں کے جاں بحق ہونے پر دلی صدمہ ہوا ہے، غمزدہ خاندانوں سے گہرے دکھ اور افسوس کا اظہار کرتے ہیں، دکھ کی گھڑی میں سندھ حکومت خیبر پختونخوا کےعوام کیساتھ ہے۔
مسلم لیگ (ن ) کی رہنما اور پنجاب ویمن پروٹیکشن اتھارٹی کی چیئرپرسن حنا پرویز بٹ نے پشاور واقعے پر افسوس کا اظہار کرتے ہوئے کہا ہے کہ بچوں کے والدین کیلئے آج کا دن قیامت سے کم نہیں، اللہ ان کو صبر دے۔
پشاور میں جاں بحق بچوں کی تعداد 22 ہو گئی، بچوں کے والدین کیلئے آج کا دن قیامت سے کم نہیں، اللہ ان کو صبر دے 💔 https://t.co/U5iM4pIxWa
— Hina Parvez Butt (@hinaparvezbutt) October 15, 2026
مسلم لیگ (ن) کے رہنما عابد شیر علی نے کہا کہ پشاور کے افسوسناک حادثے میں معصوم بچوں کی قیمتی جانوں کے ضیاع اور متعدد طلبہ کے زخمی ہونے پر دلی رنج و غم ہے۔ یہ ایک انتہائی دردناک سانحہ ہے جس نے پوری قوم کو سوگوار کر دیا ہے۔
پشاور کے علاقے دیر کالونی میں اسکول کی چھت گرنے کے افسوسناک حادثے میں معصوم بچوں کی قیمتی جانوں کے ضیاع اور متعدد طلبہ کے زخمی ہونے پر دلی رنج و غم ہے۔ یہ ایک انتہائی دردناک سانحہ ہے جس نے پوری قوم کو سوگوار کر دیا ہے۔
جاں بحق بچوں کے والدین اور اہلِ خانہ کے غم میں برابر کا شریک ہوں۔ اللہ تعالیٰ ان معصوم بچوں کو جنت الفردوس میں اعلیٰ مقام عطا فرمائے، لواحقین کو صبر و استقامت دے اور زخمی طلبہ کو جلد صحت یابی نصیب فرمائے۔ آمین۔
تعلیمی اداروں میں بچوں کی حفاظت پر کسی قسم کا سمجھوتہ نہیں ہونا چاہیے۔ متعلقہ حکام واقعے کی شفاف تحقیقات کروائیں، ذمہ داران کا تعین کریں اور اسکولوں کی عمارتوں کی حفاظت یقینی بنانے کے لیے فوری اور مؤثر اقدامات کریں، تاکہ مستقبل میں ایسے سانحات سے بچا جا سکے۔
— Abid Sher Ali (@AbidSherAli) October 15, 2026
پاکستان تحریک انصاف (پی ٹی آئی ) کے جنرل سیکرٹری سلمان اکرم راجا نے بھی کا پشاور دیر کالونی واقعے میں بچوں کی ہلاکتوں پر گہرے دکھ اور افسوس کا اظہار کیا۔
سلمان اکرم راجا نے کہا کہ معصوم بچوں کی المناک اموات پر دل رنجیدہ ہے، واقعہ ہر دردِ دل رکھنے والے انسان کے لیے انتہائی افسوسناک ہے، بچوں اور خاتون ٹیچر کی المناک اموات پر اہلِ خانہ سے دلی تعزیت کرتے ہیں، دکھ کی اس گھڑی میں سوگوار خاندانوں کے غم میں برابر کے شریک ہیں۔
علاوہ ازیں پیپلز پارٹی کے رہنماؤں راجا پرویز اشرف اور حسن مرتضیٰ نے بھی پشاور واقعے پر اظہار افسوس کرتے ہوئے کہا کہ دکھ اور غم کی گھڑی میں متاثرہ خاندانوں کیساتھ ہیں، زخمیوں کے علاج اور متاثرہ خاندانوں کی فوری امداد یقینی بنائی جائے۔
سابق سینیٹر مشتاق احمد نے کہا کہ پشاور واقعہ بہت دلخراش واقعہ ہے، بہت بڑا نقصان ہے،بہت بھاری غم ہے،والدین کیلئے ناقابل بیان دکھ ہے،اللہ تعالٰی اپنی قدرت کاملہ سے سب والدین، پسماندگان کو صبر کی توفیق عطا فرمائے، میں دکھ کی اس گھڑی میں متاثرہ خاندانوں کے غم میں شریک ہوں۔
28 بچوں کی شہادت کی اطلاع۔۔۔۔یہ بہت دلخراش واقعہ ہے،بہت بڑا نقصان ہے،بہت بھاری غم ہے،والدین کیلئے ناقابل بیان دکھ ہے،اللہ تعالٰی اپنی قدرت کاملہ سے سب والدین، پسماندگان کو صبر کی توفیق عطا فرمائے،
میں دکھ کی اس گھڑی میں متاثرہ خاندانوں کے غم میں شریک یوں اور ان کیلئے دعا گو ہوں۔۔۔— Senator Mushtaq Ahmad Khan | سینیٹر مشتاق احمد خان (@SenatorMushtaq) October 15, 2026
آئی جی خیبر پختونخوا ذوالفقار حمید نے واقعے پر دکھ کا اظہار کرتے ہوئے سی سی پی او پشاور کو امدادی کارروائیوں کی نگرانی کی ہدایت کی ہے کہ ملبے تلے دبے افراد کو فوری اور محفوظ انداز میں نکالا جائے۔
دوسری جانب پاکستان میں امریکی سفارتخانے نے پشاور اسکول حادثے میں اموات پر اظہار افسوس کرتے ہوئے کہا ہے کہ زخمیوں کی جلد صحتیابی کیلئے دعاگو ہیں۔
پاکستان میں ایرانی سفیر رضا امیری مقدم نے کہا ہے کہ پشاورمیں اسکول کی چھت گرنے سے بچوں کی اموات پر گہرا دکھ ہے۔
