چیف آف آرمی اسٹاف و چیف آف ڈیفنس فورسز فیلڈ مارشل سید عاصم منیر سے بحرین کے وزیر خارجہ ڈاکٹر عبداللطیف بن راشد الزیانی نے جی ایچ کیو راولپنڈی میں ملاقات کی۔
پاک فوج کے شعبہ تعلقات عامہ( آئی ایس پی آر) کے مطابق ملاقات میں باہمی دلچسپی کے امور، علاقائی سکیورٹی صورتحال اور پاکستان و بحرین کے درمیان دفاعی و سکیورٹی تعاون سمیت دوطرفہ تعلقات کے مختلف پہلوؤں پر تفصیلی تبادلہ خیال کیا گیا۔
آئی ایس پی آر کے مطابق بحرینی وزیر خارجہ کی جی ایچ کیو آمد پر پاکستان اوربحرین کے درمیان برادرانہ تعلقات اور مختلف شعبوں میں تعاون کو مزید فروغ دینے کے عزم کا اعادہ کیا گیا۔
سب سے زیادہ پڑھی جانے والی
- فیلڈ مارشل عاصم منیر سے بیلاروس کے اعلیٰ سطح وفد کی ملاقات، علاقائی اور عالمی سکیورٹی صورتحال پر تبادلہ خیال
- فیلڈ مارشل سید عاصم منیر سے انتونیو گوتریس کی ملاقات، علاقائی سیکیورٹی اور عالمی امن پر گفتگو
- حوثیوں کے خلاف آپریشن کے آغاز کے بعد مکہ معاہدہ کے تحت اہم اجلاس آج ہوگا، فیلڈ مارشل بھی شریک ہونگے
ملاقات کے دوران فیلڈ مارشل سید عاصم منیرنے پاکستان اوربحرین کے درمیان دیرینہ برادرانہ تعلقات کو مشترکہ اقدار اور باہمی احترام پر مبنی قراردیا۔
انہوں نے دونوں ممالک کے درمیان تعلقات کی اہمیت پر زور دیتے ہوئے دفاع اور سکیورٹی سمیت مختلف شعبوں میں دوطرفہ تعاون کو مزید مضبوط بنانے کے عزم کا اظہار کیا۔
خطے میں امن، استحکام اورسکیورٹی کے لیے مشترکہ کوششوں کی اہمیت پراتفاق
فیلڈ مارشل سید عاصم منیر نے کہا کہ پاکستان اور بحرین کے درمیان دیرینہ تعلقات باہمی اعتماد اور مشترکہ مفادات پر استوار ہیں، جنہیں مزید مستحکم کرنے کے لیے دونوں ممالک کے درمیان تعاون کا سلسلہ جاری رہنا چاہیے۔
ملاقات میں علاقائی سکیورٹی کی صورتحال اورخطے میں امن و استحکام سے متعلق امور بھی زیر بحث آئے۔ دونوں جانب سے خطے میں امن، استحکام اورسکیورٹی کے لیے مشترکہ کوششوں کی اہمیت پر اتفاق کیا گیا۔
بحرینی وزیر خارجہ کا پاک فوج کی پیشہ ورانہ صلاحیتوں اور آپریشنل تیاریوں کا اعتراف
بحرینی وزیر خارجہ ڈاکٹر عبداللطیف بن راشد الزیانی نے پاک فوج کی پیشہ ورانہ صلاحیتوں اور آپریشنل تیاریوں کا اعتراف کیا، انہوں نے پاکستان کی دفاعی صلاحیتوں اور خطے میں امن و استحکام کے لیے اس کے کردار کو سراہا۔
بحرینی وزیر خارجہ نے دونوں ممالک کے درمیان دفاعی اور سکیورٹی شعبوں میں تعاون کو مزید بڑھانے کے عزم کا بھی اعادہ کیا۔
انہوں نے پاکستان اور بحرین کے درمیان دوطرفہ تعاون کے مختلف شعبوں کو مزید وسعت دینے کی خواہش کا اظہار کیا۔
‘عبداللطیف بن راشد الزیانی نے امن و استحکام کیلئے پاکستان کی کاوشوں کو بھی سراہا’
ڈاکٹر عبداللطیف بن راشد الزیانی نے علاقائی امن و استحکام کے لیے پاکستان کی کاوشوں کو بھی سراہا اور خطے میں امن کے فروغ کے لیے پاکستان کے کردار کو اہم قرار دیا۔
ملاقات میں اس امر پر بھی زور دیا گیا کہ پاکستان اور بحرین کے درمیان موجود برادرانہ تعلقات کو باہمی مفاد میں مزید مستحکم کیا جائے اور دفاع و سکیورٹی سمیت مختلف شعبوں میں تعاون کے نئے مواقع تلاش کیے جائیں۔
آئی ایس پی آر کے مطابق ملاقات خوشگوار ماحول میں ہوئی، جس میں دونوں ممالک کے درمیان باہمی احترام، مشترکہ مفادات اور دیرینہ دوستانہ تعلقات کو مزید آگے بڑھانے کے عزم کا اظہار کیا گیا۔
