معروف فٹ بالر اور پرتگال کی ٹیم کے کپتان کرسٹیانو رونالڈو نے قومی ٹیم کا کیمپ چھوڑنے کی وجہ بتا دی۔
کرسٹیانو رونالڈو گزشتہ ہفتے کوچ سے اختلافات کے بعد قومی ٹیم کا کیمپ چھوڑ گئے تھے۔
کرسٹیانو رونالڈو نے اپنے بیان میں کہا کہ کوچ نے انہیں مشورہ دیا کہ میں بیرونِ ملک میچز نہ کھیلوں لیکن میں نے ایسا کرنے سے انکار کر دیا،انہیں ناروے کیخلاف میچ میں 30منٹ کھیلنے کا کہا گیا تاہم انہیں بلایا ہی نہیں گیا،کوچ نے وعدہ توڑا،48گھنٹے بعد اتفاق ہوا کہ وہ میڈیا کوسچ بتائیں گے۔
سب سے زیادہ پڑھی جانے والی
اسٹار فٹبالر کا مزید کہنا تھا کہ پریس کانفرنس میں طے شدہ باتوں کے برعکس بیان دیا گیا، قومی ٹیم چھوڑنے پر اپنے ساتھی کھلاڑیوں سے معذرت کرتے ہوئے انہوں نے کہا کہ معطلی ختم ہونے کے بعد اگر فٹ ہوا تو پرتگال کے لیے دستیاب رہوں گا۔
Após a conferência de imprensa do Selecionador Nacional, e no seguimento de uma conversa com o Presidente da Federação Portuguesa de Futebol, tomei a decisão de deixar o estágio da Seleção Nacional.
A seu tempo, direi a verdade a todos os Portugueses sobre as razões que motivaram a minha saída da equipa nacional, à qual sempre me dediquei.
Agora é tempo de desejar boa sorte a Portugal e a todos os meus companheiros de equipa, sem exceção.
— Cristiano Ronaldo (@Cristiano) September 30, 2026
پرتگالی میڈیا کی رپورٹ کے مطابق 41 سالہ کرسٹیانو رونالڈو اس وقت تک پرتگال کی نمائندگی نہیں کرنا چاہتے جب تک موجودہ ہیڈ کوچ جارج جیسس عہدے پر موجود ہیں۔
ٹیم میں رونالڈو کی واپسی کا دروازہ کھلا
دوسری جانب پرتگالی ٹیم کے ہیڈ کوچ جارج جیسس نے ٹیم میں رونالڈو کی واپسی کا دروازہ کھلا رکھتے ہوئے کہا ہے کہ اگر وہ چاہیں تو اگلے انٹرنیشنل کال اپ میں قومی ٹیم کا حصہ بن سکتے ہیں اور ہم دونوں کے درمیان بات چیت بھی ہو سکتی ہے۔
اس کے علاوہ پرتگالی فٹبال فیڈریشن کے صدر پیڈرو پروینسا نے بھی رونالڈو اور کوچ کے درمیان پیدا ہونے والی صورتِحال کو غلط فہمی قرار دیا ہے۔
کرسٹیانو رونالڈو پرتگال کے سب سے زیادہ گول کرنے والے اور سب سے زیادہ میچز کھیلنے والے کھلاڑی ہیں، انہوں نے 2003ء میں پرتگال کے لیے ڈیبیو کیا تھا، وہ حال ہی میں کہہ چکے ہیں کہ موجودہ سال ممکنہ طور پر میرے فٹبال کیریئر کا آخری سال ہو سکتا ہے۔
پرتگال فٹبال ٹیم کے 20 لاکھ انسٹا فالوورز کم
کوچ کیساتھ مبینہ اختلافات کے بعد رونالڈو کے قومی ٹیم کا تربیتی کیمپ چھوڑنے پر پرتگال کی ٹیم کے انسٹاگرام پر راتوں رات 20 لاکھ فالورز کم ہو گئے۔
برطانوی اخبار دی سن کے مطابق رونالڈو نے رات 2 بجے پرتگال ٹیم کو چھوڑا، منتظمین نے صبح 10 بجے رونالڈو کا 7 نمبر ایک اور کھلاڑی کو دے دیا۔ جس پر دنیا بھر میں رونالڈو کے فینز میں شدید بے چینی اور غم و غصہ دیکھا گیا اور فینز نے پرتگال کی آفیشل ٹیم کے انسٹاگرام کو ان فالو کرنا شروع کر دیا۔
