دبئی: انٹرنیشنل کرکٹ کونسل (آئی سی سی) نے ون ڈے کرکٹ ورلڈکپ 2027 کے ٹکٹ بیلٹ کے آغاز کا اعلان کردیا، ٹکٹ بیلٹ کا عمل یکم اکتوبر سے شروع ہوگا جس کے ذریعے شائقین کرکٹ میگا ایونٹ کے میچز کے ٹکٹس کیلئے درخواست دے سکیں گے۔
آئی سی سی کے مطابق ورلڈکپ 2027 کے ٹکٹ بیلٹ میں شائقین کو میچز کے ٹکٹس تک رسائی حاصل کرنے کا موقع دیا جائے گا۔
ٹکٹ بیلٹ کا عمل 21 نومبر تک جاری رہے گا، اس دوران شائقین ورلڈکپ 2027 کے تمام میچز کیلئے اپنی درخواستیں جمع کراسکیں گے۔
سب سے زیادہ پڑھی جانے والی
کرکٹ کی عالمی گورننگ باڈی کا کہنا ہے کہ ٹکٹ بیلٹ میں شرکت کیلئے کسی قسم کی فیس مقرر نہیں کی گئی، یعنی شائقین بغیر کسی اضافی قیمت کے ٹکٹ بیلٹ میں انٹری حاصل کرسکیں گے۔
تاہم ٹکٹ بیلٹ میں درخواست جمع کرانا ٹکٹ ملنے کی ضمانت نہیں ہوگا بلکہ درخواستوں کے عمل کے ذریعے ٹکٹوں کی تقسیم کی جائے گی۔
آئی سی سی کے بیان کے مطابق ایک میچ کیلئے ایک درخواست کے ذریعے زیادہ سے زیادہ چار ٹکٹ حاصل کرنے کی درخواست کی جاسکے گی، شائقین ورلڈکپ 2027 کے مختلف میچز کیلئے بھی درخواستیں جمع کراسکیں گے۔
آئی سی سی نے شائقین کو ہدایت کی ہے کہ ٹکٹ بیلٹ کے عمل کے دوران مقررہ طریقہ کار کے مطابق اپنی درخواستیں جمع کرائیں تاکہ وہ ورلڈکپ 2027 کے میچز دیکھنے کیلئے ٹکٹ حاصل کرنے کے عمل میں شامل ہوسکیں۔
ورلڈکپ 2027 جنوبی افریقا، زمبابوے اور نمیبیا میں کھیلا جائے گا، میگا ایونٹ کے ٹکٹوں کی فروخت کے عمل کو مرحلہ وار مکمل کیا جائے گا، جبکہ ٹکٹ بیلٹ شائقین کو میچز کے ٹکٹس کیلئے درخواست دینے کا ابتدائی موقع فراہم کرے گا۔
آئی سی سی نے کہا ہے کہ کرکٹ شائقین کیلئے ٹکٹ بیلٹ کا آغاز ورلڈکپ 2027 کے میچز تک رسائی کے عمل میں اہم مرحلہ ہے۔
