سکیورٹی فورسز نے بلوچستان میں ردالفتنہ 3 کے تحت کارروائی کرتے ہوئے 9 دہشتگردوں کو ہلاک کر دیا۔
سکیورٹی ذرائع کے مطابق دہشتگردوں نے مستونگ کے علاقے کنک وادی میں چوکی پر حملے کی کوشش کی تھی۔
ذرائع کے مطابق سکیورٹی فورسز کی کارروائی میں 2 دہشتگرد مارے گئے، جس کے بعد دہشتگرد فرار ہو گئے جس پر فورسز نے تعاقب کرتے ہوئے مزید 7 خوارج کو ہلاک کر دیا۔ فائرنگ کے تبادلے میں سکیورٹی فورسز کا ایک جوان بھی زخمی ہو گیا جسے اسپتال منتقل کر دیا گیا۔
سب سے زیادہ پڑھی جانے والی
سکیورٹی ذرائع نے بتایا کہ ہلاک دہشتگردوں سے 3 موٹر سائیکلوں سمیت بھاری مقدار میں اسلحہ اور گولہ بارود بھی برآمد کر لیا گیا۔
سکیورٹی ذرائع کا کہنا ہے کہ علاقے میں سرچ اور کلیئرنس آپریشن جاری ہے، بلوچستان سے آخری دہشتگرد کے خاتمے تک کارروائیاں جاری رہیں گی۔
دریں اثنا وزیر داخلہ محسن نقوی نے آپریشن ردالفتنہ 3 کے تحت فتنہ الہندوستان کے دہشتگردوں کے خلاف بلوچستان میں کامیاب آپریشنز پر سکیورٹی فورسز کو خراج تحسین پیش کیا ہے۔
محسن نقوی کا کہنا تھا کہ دہشتگردوں کے مذموم عزائم ناکام بنانے والے سکیورٹی فورسز کے بہادر سپوتوں پر فخر ہے۔سکیورٹی فورسز کی کارروائیاں قومی سلامتی کے تحفظ کے عزم کی عکاس ہیں۔
“قوم دہشتگردی کیخلاف جنگ میں سکیورٹی فورسز کے شانہ بشانہ کھڑی ہے”
انہوں نے مزید کہا کہ قوم دہشتگردی کے خلاف جنگ میں سکیورٹی فورسز کے شانہ بشانہ کھڑی ہے، فتنہ الہندوستان اور فتنہ الخوارج کے خلاف آپریشنز پوری قوت سے جاری رہیں گے۔
واضح رہے گزشتہ روز بلوچستان کے علاقے ساران تنگی میں آپریشن شعبان 2 کے تحت سکیورٹی فورسز کی کارروائی میں فتنہ الہندوستان کے 6 دہشتگردوں کو ہلاک اور 9 مشتبہ افراد کو گرفتار کر لیا گیا تھا۔
سکیورٹی ذرائع کے مطابق ہلاک ہونے والے دہشتگردوں کے قبضے سے بڑی مقدار میں اسلحہ اور گولہ بارود بھی برآمد کیا گیا۔
