آزاد کشمیر قانون ساز اسمبلی کے انتخابات 2026 کے تیسرے مرحلے میں پونچھ ڈویژن کے 2 اضلاع باغ اور حویلی کے 4 حلقوں میں پولنگ شروع ہو گئی ہے۔
چار حلقوں میں پولنگ شام 5 بجے تک جاری رہے گی ، شیڈول کی تبدیلی کے بعد 2 اضلاع پونچھ کے 5 اور سدھنوتی کے 2 حلقوں میں انتخابات مؤخر کر دیے گئے ہیں۔
انتخابات میں دو بڑی سیاسی جماعتوں مسلم کانفرنس اور آئی پی پی کے سربراہان اورسابق وزرائے اعظم سردار عتیق اور سردار تنویر الیاس سمیت وزیراعظم آزاد کشمیر فیصل راٹھور بھی اپنی قسمت آزما رہے ہیں۔
آزاد کشمیرالیکشن تیسرا مرحلہ؛ضلع پونچھ اور پلندری میں انتخابات مؤخر
آزاد کشمیر پونچھ ڈویژن کے 4 حلقوں میں 82 امیدوار مدمقابل ، ایل اے 17 حویلی میں وزیراعظم فیصل راٹھور اور محسن عزیز کے درمیان مقابلہ ہو گا۔
چیف الیکشن کمشنر کا کہنا ہے کہ حلقوں میں 4 لاکھ 60 ہزار ووٹرز اپنا حق رائے دہی اسمتعمال کریں گے، چاروں حلقوں میں سکیورٹی کے انتطامات بھی مکمل کر لیے گئے ہیں۔
واضح رہے کہ آزاد کشمیر قانون ساز اسمبلی کے 2026 کے انتخابات کے پہلے مرحلے میں میرپورڈویژن کی 13 نشستوں میں سے مسلم لیگ ن 9 اور پیپلز پارٹی 4 نشستوں پر کامیاب ہوئی تھی۔
آزاد کشمیر انتخابات؛ پونچھ ڈویژن میں پولنگ ملتوی ہونے کی خبریں بے بنیاد ہیں، الیکشن کمیشن
دوسرے مرحلے میں مظفرآباد ڈویژن کی 9 اور مہاجرین کی 12 نشستوں پر ووٹ ڈالے گئے جس میں مسلم لیگ ن 15 اور پیپلزپارٹی 6 نشستیں لینے میں کامیاب ہو سکی۔
45 نشستوں میں سے مسلم لیگ ن اب تک 24 نشستوں کے ساتھ سرفہرست ہے جبکہ پیپلز پارٹی 10 نشستوں کے ساتھ دوسرے نمبر پر ہے۔
