طویل عرصے سے قومی ٹیم سے باہر رہنے والے آل راؤنڈر خوشدل شاہ نے پاکستان کرکٹ چھوڑنے سے متعلق زیرِ گردش خبروں کی تردید کر دی۔
نومبر 2019ء میں پاکستان کی جانب سے ڈیبیو کرنے والے خوشدل شاہ اب تک قومی ٹیم کے لیے 15 ایک روزہ اور 38 ٹی 20 بین الاقوامی میچز کھیل چکے ہیں۔
گزشتہ سال اے سی سی مینز ٹی 20 ایشیاء کپ میں انہوں نے آخری بار گرین شرٹس کی نمائندگی کی تھی۔
پی سی بی نے قومی کرکٹرز کو بیرون ملک لیگز کھیلنے کیلئے این او سی جاری کر دیئے
قومی ٹیم سے باہر رہنے کے دوران گزشتہ روز انٹرنیٹ پر 2 ماہ پرانا ایک انٹرویو دوبارہ گردش کرنے لگا، جس میں قومی ٹیم کے آل راؤنڈر عباس آفریدی نے دعویٰ کیا تھا کہ خوشدل شاہ نے انہیں بتایا تھا کہ ان کے پاس تقریباً 4 ماہ باقی ہیں اور اگر اس عرصے کے دوران انہیں قومی ٹیم میں طلب نہ کیا گیا تو انہیں پاکستان چھوڑنا پڑے گا۔
There’s fake news going around claiming I’m leaving Pakistan cricket and it’s completely untrue. Pakistan is my home, and representing this country has always been my top priority and greatest honor. Please don’t believe these baseless rumors. My commitment to Pakistan cricket…
— Khushdil Shah (@KhushdilShah_) August 7, 2026
یہ دعویٰ سوشل میڈیا پر تیزی سے پھیل گیا، جس کے بعد آل راؤنڈر نے بذریعہ سوشل میڈیا ان قیاس آرائیوں پر ردِعمل ظاہر کرتے ہوئے زیرِ گردش خبروں کو جعلی اور بے بنیاد قرار دیا ہے۔
خوشدل شاہ نے لکھا ہے کہ پاکستان کی نمائندگی ہمیشہ میرے لیے اعزاز اور اولین ترجیح رہی ہے، یہ جعلی خبر گردش کر رہی ہے کہ میں پاکستان کرکٹ چھوڑ رہا ہوں، جو بالکل غلط ہے۔
