پیٹرول کی قیمت میں کمی کے بعد مٹی کے تیل کی قیمت میں اضافہ ہو گیا۔
اوگرا نے مٹی کا تیل 8روپے70پیسےفی لیٹر مہنگا کردیا جس کانوٹیفکیشن جاری کردیا ہے، مٹی کے تیل کی نئی قیمت280 روپے70پیسےفی لیٹر ہوگئی ہے۔
نئی قیمت کا اطلاق آج سے ہی ہو گا۔ اس سے قبل مٹی کے تیل کی قیمت272روپےفی لیٹر تھی۔ دوسری جانب حکومت نے پیٹرول کی قیمت میں چار روپے فی لیٹر کمی کر دی ہے۔
واضح رہے کہ مٹی کے تیل پر پیٹرولیم لیوی 20 روپے چھتیس پیسے فی لیٹر برقرار رکھی گئی ہے، تاہم مٹی کا تیل مزید مہنگا کر دیا گیا ہے۔
حکومت نے پیٹرول سستا کردیا، ڈیزل کی قیمت برقرار
دوسری جانب حکومت نے ہائی اسپیڈ ڈیزل کی قیمت 380 روپے 78 پیسے فی لیٹرپر برقرار رکھی ہے۔
