سعودی عرب کی وزارت حج و عمرہ نے 3 عمرہ کمپنیوں کے لائسنس معطل کر دیئے۔
وزارت نے بتایا کہ کمپنیوں نے عمرہ زائرین کو منظور شدہ معاہداتی پروگرام کے مطابق رہائش کی سہولیات فراہم نہیں کیں۔ ان کمپنیوں کے بیرونی ایجنٹس کے خلاف قانونی کارروائی کی جا رہی ہے۔
حج آپریشن کو مکمل ڈیجیٹل بنانے کیلئے وزارت مذہبی امور اور وزارت آئی ٹی میں ایم او یو پر دستخط
وزارت کے مطابق کئی عمرہ زائرین کی جانب سے سعودی عرب پہنچنے کے باوجود اپنی منظور شدہ رہائش فراہم نہ ہونے کی شکایات سامنے آئیں، جبکہ یہ سہولیات معاہداتی پروگرام میں واضح طور پر درج تھیں۔
سعودی حکام نے خلاف ورزی کرنے والی کمپنیوں کو فوراً متاثرہ عمرہ زائرین کے لیے رہائش فراہم کرنے کا پابند کر دیا۔
