نجی نیوز چینل کے پروگرام میزبان شاہ زیب خانزادہ کو ان کی اہلیہ کے ہمراہ شاپنگ مال میں ہراساں کئے جانے کی ویڈیو سوشل میڈیا پر وائرل ہو گئی۔
ویڈیو میں اس شخص کو کہتے ہوئے سنا جا سکتا ہے کہ شاہ زیب خانزادہ نے سابق وزیراعظم عمران خان اور ان کی اہلیہ بشریٰ بی بی کے خلاف جو بھی حقائق پیش کیے، ان پر انہیں شرم آنی چاہیے۔
ویڈیو میں دیکھا جا سکتا ہے کہ شاہ زیب خانزادہ کے ہمراہ ان کی اہلیہ بھی موجود ہیں اور انہوں نے اس شخص کے لگائے گئے الزامات پر ردعمل دینے کے بجائے تحمل کا مظاہرہ کیا۔
سوشل میڈیا پر متنازعہ پوسٹ کرنے کا الزام،اسلام آباد میں صحافی خالد جمیل زیر حراست
ویڈیو میں الزامات کی وضاحت نہیں کی گئی تاہم تحریک انصاف کے رہنما شہباز گل نے خانزادہ کے پروگرام کا پرانا کلپ شیئر کیا، جس میں صحافی بشریٰ بی بی کے عدت کیس پر بات کر رہے تھے، یہ کیس بشریٰ بی بی کی عدت کے دوران ان کی شادی سے متعلق تھا۔
This is harassement of @shazbkhanzdaGEO .. This is no crusade..
— Waseem Abbasi (@Wabbasi007) November 16, 2025
شہباز گل نے کہا کہ شاہ زیب خانزادہ نے یہ گندگی کی تھی اور اگر میڈیا نے اس کی مذمت کی ہوتی تو صورتحال اس حد تک نہ پہنچتی، جس کا اشارہ صحافی کیساتھ ہونے والے ہراسانی کی جانب تھا۔
بعد ازاں شاہ زیب خانزادہ نے شہباز گل کو جواب دیتے ہوئے کہا کہ شہباز گل جس وقت وزیر تھے اس وقت بھی ان کے کئی جھوٹ پکڑے گئے تھے اور وہ اب بھی جھوٹ بول رہے ہیں، ناقدین حقیقت کی پرواہ نہیں کرتے، چاہے وہ عمران خان کے حق میں ہوں۔
جو لوگ صحافیوں اور انکے بچوں کے نام اور اڈریس لکھتے ہیں، پھر سوشل میڈیا پر لگاتے ہیں کہ اِس کو مار دو، جیسے مزمل صاحب کے گھر کے اندر چھلانگ مار کے قتل کی دھمکیاں دی گئیں۔ شاہزیب خانزادہ کے ساتھ جو ہوا، انتہائی قابل مزمت ہے ،ریاست کی جانب سے شاہزیب صاحب کو یقین دلواتا ہوں کہ ہم… pic.twitter.com/DSxHGaMlLx
— Attaullah Tarar (@TararAttaullah) November 16, 2025
دریں اثناء وزیر اطلاعات عطا تارڑ نے گفتگو کا کلپ شیئر کرتے ہوئے لکھا کہ جو لوگ صحافیوں اور انکے بچوں کے نام اور اڈریس لکھتے ، پھر سوشل میڈیا پر لگاتے ہیں کہ اِس کو مار دو، جیسے مزمل صاحب کے گھر کے اندر چھلانگ مار کر قتل کی دھمکیاں دی گئیں، شاہزیب خانزادہ کے ساتھ ہونے والا واقعہ انتہائی قابل مذمت ہے شاہزیب کو یقین دلاتا ہوں کہ ہم ٹریس کریں گے کہ وہ کون آدمی تھا۔
