ویسٹ انڈیز اور بھارت کے درمیان دہلی میں کھیلے جانے والے ٹیسٹ میچ میں منفرد ریکارڈ قائم ہو گیا۔
دہلی میں کھیلے گئے میچ میں بھارت نے ٹاس جیت کر پہلے بیٹنگ کرتے ہوئے پانچ وکٹوں کے نقصان پر 518 رنز بنا کر اننگز ڈکلیئر کی۔
بھارت نے پہلے اننگ میں 134.2 اوورز کھیلے تاہم حیران کن طور پر اس دوران ایک بھی ’بائے‘ یا ’لیگ بائے‘ کا رن نہیں بنا۔ یہ اپنی نوعیت کا دوسرا موقع ہے جب ایک اننگ میں 500 سے زیادہ رنز بنے ہوں اور ایک بھی ’بائے‘ یا ’لیگ بائے‘ کا رن نہیں بنا۔
نعمان کی شاندار بائولنگ، جنوبی افریقہ 269 رنز پر آئوٹ، پاکستان کی بیٹنگ جاری
اس سے قبل 2018 میں بنگلہ دیش نے سری لنکا کے خلاف 513 رنز بنائے تھے جس میں ایک بھی ’بائے‘ یا ’لیگ بائے‘ کا رن شامل نہیں تھا۔
خیال رہے کہ اس میچ میں ویسٹ انڈیز کے بائولرز نے لائن و لینتھ کیساتھ بائولنگ کرائی اور ایک بھی نو بال نہیں کروائی۔ 518 رنز کے مجموعے میں صرف دو رنز ایکسٹرا کے بنے جو وائیڈ کے تھے۔
واضح رہے اس ٹیسٹ میں بھارت نے ویسٹ انڈیز کو 7 وکٹوں سے شکست دے کر سیریز میں وائٹ واش کر دیا ہے۔
