لندن: ومبلڈن ٹینس ٹورنامنٹ کے دوران سپر اسٹار راجر فیڈرر نے کرکٹ کے انداز میں بال روک کر سوشل میڈیا پر دھوم مچا دی۔
ٹینس اسٹار راجر فیڈرر کا دفاعی انداز کرکٹ شائقین سمیت انٹرنیشنل کرکٹ کونسل (آئی سی سی) کو بھی بھا گیا اور کرکٹ کی دنیا کے بے تاج بادشاہ سچن ٹنڈولکر بھی اس کی تعریف کیے بغیر نہ رہ سکے۔
سماجی رابطوں کی ویب سائٹ ٹوئٹر پر ومبلڈن کے آفیشل پیج نے راجر فیڈرر کی ویڈیو شیئر کی اور آئی سی سی کو ٹیگ کرتے ہوئے لگے ہاتھوں ٹینس اسٹار کی ریٹنگ بھی پوچھ لی جس پر آئی سی سی نے راجر فیڈرر کو بیٹنگ کی رینکنگ میں نمبر ون پوزیشن دے ڈالی۔
*sigh* ok… 👇 pic.twitter.com/KXnhaznxL8
— ICC (@ICC) July 9, 2018
دنیائے کرکٹ کے بادشاہ سچن ٹنڈولکر کو اپنی تکنیک کے باعث صف اول کا بلے باز مانا جاتا ہے، ٹنڈولکر نے راجر فیڈرر کے انداز کی تعریف کرتے ہوئے انہیں ٹینس اور کرکٹ کے نوٹس کا تبادلہ کرنے کا پیغام بھی بھجوا دیا۔
As always, great hand-eye co-ordination. @rogerfederer, let’s exchange notes on cricket and tennis after you win your 9th @Wimbledon title 😜👍 https://t.co/2TNUHGn1zK
— Sachin Tendulkar (@sachin_rt) July 10, 2018
ومبلڈن ٹینس ٹورنامنٹ میں میچ کے بعد سوشل میڈیا پر پیغام ملتے ہی ٹینس اسٹار راجر فیڈرر نے کرکٹ اسٹار کی دعوت قبول کرلی اور سچن کو جواب دیا کہ میں نوٹس لینے کو تیار ہوں۔
why wait? I'm ready to take notes! @sachin_rt https://t.co/UjH5m1wuNT
— Roger Federer (@rogerfederer) July 10, 2018
آئی سی سی کے آفیشل سوشل میڈیا پیج نے راجر فیڈرر اور سچن ٹنڈولکر کی گفتگو میں شریک ہوتے ہوئے ایک اور ٹویٹ کردی جس میں دونوں اسٹارز کو ایک تصویر میں اسپائیڈرمین کا کاسٹیوم پہنے ایک دوسرے کی جانب اشارہ کرتے دکھایا گیا۔
When greatness recognises greatness ? pic.twitter.com/UB2hJli5gw
— ICC (@ICC) July 9, 2018
ومبلڈن اور آئی سی سی سے شروع ہونے والی گفتگو ٹینس اور کرکٹ کے پرستاروں تک پہنچ گئی، انہوں نے یہ موقع ہاتھ سے جانے نہیں دیا اور دیکھتے ہی دیکھتے سوشل میڈیا پر مزاح سے بھر پور پوسٹس اور ٹویٹس کا تانتا بندھ گیا۔
