ہری پور میں حالیہ مون سون بارشوں کے باعث تربیلا ڈیم میں پانی کی آمد میں مسلسل اضافہ ہو رہا ہے۔
ترجمان تربیلا ڈیم کے مطابق پانی کی سطح ڈیڈ لیول سے 96 فٹ بلند ہو کر 1498.65 فٹ تک پہنچ گئی ہے جبکہ پانی کی آمد 2 لاکھ 93 ہزار کیوسک ریکارڈ کی گئی ہے۔
اسلام آباد کے مختلف علاقوں میں گرج چمک کیساتھ موسلادھار بارش
ترجمان کے مطابق تربیلا ڈیم سے پانی کا اخراج اس وقت 1 لاکھ 50 ہزار کیوسک ہے، جوآبپاشی اورتوانائی کی ضروریات کے مطابق جاری رکھا جا رہا ہے۔
ڈیم کے تمام 17 پیداواری یونٹ فعال ہیں اوران سے مجموعی طورپر2613 میگاواٹ بجلی پیدا کی جا رہی ہے، جو نیشنل گرڈ کو فراہم کی جا رہی ہے۔
حکام کے مطابق پانی کی موجودہ صورتحال اطمینان بخش ہے اور بجلی کی پیداوار میں مزید اضافے کا امکان ہے۔
