سعودی ائیر لائن نے حجاج کرام کیلئے ٹھنڈے احرام متعارف کرانے کی تیاریاں مکمل کر لیں۔
سعودی ایئرلائن (السعودیہ) کے مارکیٹنگ منیجر عصام اخونبائی کا کہنا ہے کولڈ احرام کومخصوص ٹیکنالوجی کا استعمال کرتے ہوئے اس طرح ڈیزائن کیا گیا ہے کہ جسم کو ٹھنڈا رکھا جاسکے۔
ایران کے ساتھ اب تک مذاکرات مثبث اور کار آمد ثابت ہوئے، ٹیمی بروس
انہوں نے اخبار سے گفتگو کرتے ہوئے کہا کہ احرام کی تیاری میں امریکی کمپنی کا تعاون بھی حاصل رہا، احرام کو دبئی کی عربین ٹریول مارکیٹ اے ٹی ایم 2025 میں پیش کیا جائے گا۔
ٹھنڈے احرام کے حوالے سے اخونبائی کا مزید کہنا تھا کہ کپڑے کی تیاری میں جو ٹیکنالوجی استعمال کی گئی ہے اس کی خاصیت یہ ہے کہ انسانی جلد کو گرمی کی تپش سے محفوظ رکھنے میں معاون ہے۔
اس سے گرمی کی تپش کو ایک سے 2 ڈگری سینٹی گریڈ تک کم کیا جا سکتا ہے اس احرام کو پہننے والے کو گرمی کی شدت کا احساس کم ہو جاتا ہے، یاد رہے کہ ٹھنڈے احرام کا آغاز رواں جون سے کیا جائے گا۔
