آئی سی سی چیمپئنز ٹرافی کے پہلے میچ میں نیوزی لینڈ کے خلاف فخر زمان کے بطور اوپنر نہ آنے کی وجہ سامنے آ گئی۔
رولز کے مطابق فیلڈنگ کے دوران گراؤنڈ سے باہر رہنے کے باعث فخر زمان بحیثیت اوپنر نہیں کھیل سکے۔ رولز کے تحت گراونڈ سے باہر رہنے والا کوئی بھی کھلاڑی اننگ کے آغاز کے 20 منٹ بعد میدان میں آکر کھیل سکتا ہے۔
خیال رہے کہ فخر زمان نیوزی لیںڈ کیخلاف افتتاحی میچ کے پہلے ہی اوور میں زخمی ہوگئےتھے۔
نیشنل اسٹیڈیم کراچی میں کھیلے گئے چیمپئینز ٹرافی کے افتتاحی میچ میں فخر زمان دوران فیلڈنگ باؤنڈری لائن پر فیلڈنگ کرتے ہوئے گر گئے اور زخمی ہوکر میدان سے باہر چلے گئے تھے۔
چیمپیئنز ٹرافی سے قبل نیوزی لینڈ کے لوکی فرگوسن بھی ایونٹ سے باہر
فیلڈنگ کے بعد فخر زمان کو باؤنڈری لائن پر بیٹھے دیکھا گیا تھا، بعدازاں میڈیکل ٹیم نے انکی خیریت دریافت کی۔
دوسری جانب بورڈ کی جانب سے جاری کردہ اعلامیے میں کہا گیا ہے کہ ابتدائی اطلاعات کے مطابق فخر زمان کو پٹھوں میں موچ آئی ہے۔
