پاکستان اسٹاک ایکسچینج تیزی کے بعد گراوٹ کا شکار ، انڈیکس 13 ہزار کی سطح سے نیچے آ گیا ، دوسری جانب ڈالر کی قیمت میں معمولی کمی ریکارڈ کی گئی۔
کاروباری ہفتے کے تیسرے روز اسٹاک ایکسچینج میں کاروبار کا آغاز مثبت زون میں ہوا، 100 انڈیکس میں 1261 پوائنٹس کا اضافہ ہوا تاہم تیسرے سیشن میں انڈیکس میں 2003 پوائنٹس کی کمی ہوئی جس سے انڈیکس ایک لاکھ 12 ہزار 857 پوائنٹس پر پہنچ گیا۔
اسٹاک مارکیٹ نے ایک اور تاریخی دن ، انڈیکس بلند ترین ایک لاکھ ، 17 ہزار کی سطح پر پہنچ گیا
واضح رہے کہ گزشتہ روز اسٹاک ایکسچینج میں ہنڈرڈ انڈیکس 1308 پوائنٹس کی کمی کیساتھ 1 لاکھ 14 ہزار پوائنٹس کی سطح سے نیچے آ گیا تھا۔
دوسری جانب انٹر بینک میں کاروبار کے آغاز میں امریکی ڈالر کے بھاؤ میں 2 پیسے کی کمی ہوئی۔ جس کے بعد ڈالر 278 روپے 25 پیسے کا ہو گیا۔
گزشتہ روز کاروبار کے اختتام پر انٹر بینک میں ڈالر کا ریٹ 278 روپے 27 پیسے پر بند ہوا تھا۔
