زمبابوے کے خلاف پہلے ٹی 20 میچ کے لیے گیارہ رکنی ٹیم کا اعلان کر دیا گیا۔
سلمان علی آغا قومی ٹیم کی قیادت کریں گے۔ دیگر کھلاڑیوں میں صائم ایوب،عمیربن یوسف اورعثمان خان ٹیم کاحصہ ہیں۔
ان کے علاوہ طیب طاہر، محمدعرفان خان، جہانداد خان ، محمدعباس آفریدی،حارث رؤف، ابرار احمد اور سفیان مقیم ٹیم میں شامل ہیں۔
بلاوایو میں پریس کانفرنس کے دوران کپتان سلمان علی آغانے کہا ہے کہ سیریز میں نئے چہرے نظر آئیں گے، ہدف ون ڈے کی طرح یہ سیریز بھی جتنا ہے۔
ان کا کہنا تھا کہ سب سے پہلی ترجیح تو سیریز جیتنا ہے، ہم اپنی بینچ اسٹرینتھ کو دیکھنا چاہتے ہیں۔
ٹی 20 بلائنڈ کرکٹ ورلڈ کپ، قومی ٹیم سیمی فائنل میں پہنچ گئی
انہوں نے کہا کہ اس سیریز میں ہمیں اپنے نوجوان کھلاڑیوں کو زیادہ سے زیادہ موقع دینا ہے، ہم نے ون ڈے سیریز جیتی اب بھی ہدف ٹی20 سیریز جیتنا ہے۔
ٹی20 ٹیم کے کپتان نے مزید کہا کہ ٹی ٹوئنٹی سیریز میں نئے چہرے نظر آئیں گے، یہ بھی وائٹ بال سیریز ہے ہمیں کچھ ایڈجسٹ ہونا پڑتا ہے۔
ان کا کہنا تھا کہ ٹی ٹوئنٹی سیریز میں اپنا مومینٹم برقرار رکھیں گے، اسکواڈ میں ہمارے پاس اچھے اسپنر ہیں، ہم جارحانہ انداز میں کھیلنے کی کوشش کریں گے۔
