خیبرپختونخوا حکومت کے ترجمان اور پی ٹی آئی رہنما بیرسٹرسیف نے کہا ہے کہ وزیراعلی ٰخیبر پختونخوا علی امین گنڈاپور سے میرا رابطہ نہیں ہو رہا۔
اپنے بیان میں ان کا کہنا تھا کہ کئی گھنٹے سے وزیراعلیٰ اور ان کے اسٹاف سے رابطے کی کوشش کر رہے ہیں۔
دوسری جانب علی امین گنڈاپور کے بھائی فیصل امین گنڈاپور نے ہم نیوز سے بات کرتے ہوئے کہا ہے کہ تشویش کی کوئی بات نہیں۔
بیرسٹر گوہر ، شعیب شاہین اور شیر افضل مروت گرفتار
اس سے پہلے اسلام آباد پولیس نے چیئرمین پی ٹی آئی بیرسٹر گوہر، ممبر قومی اسمبلی شیرافضل مروت کو پارلیمنٹ کے باہر سے گرفتار کر لیا۔
شیر افضل مروت کو کوہسار پولیس نے گرفتار کیا،ان کی کی گاڑی بھی پولیس نے تحویل میں لے لی۔
وزیراعلیٰ خیبر پختونخوا کے نازیبا ریمارکس،صحافیوں کا سینیٹ اور قومی اسمبلی کے اجلاس سے واک آؤٹ
شیر افضل مروت کو تھانہ سیکرٹریٹ کے ایس ایچ او نے گرفتارکیا،چیئرمین پی ٹی آئی بیرسٹر گوہر کو تھاںہ کوہسار کے ایس ایچ اور شفقت فیض لے کر روانہ ہوئے، شعیب شاہین کو ان کے دفترسے گرفتار کرلیا گیا ہے۔
قبل ازیں یہ خبر سامنے آئی تھی کہ اسلام آباد پولیس کو پی ٹی آئی کے پارلیمنٹیرین کو گرفتار کرنے کے احکامات موصول ہوئے ہیں۔
وینیٹی نمبر پلیٹس سکیم شروع ،مفتی عبد القوی کو مفتی 1 نمبر پلیٹ بطور سونئیر پیش
قومی اسمبلی کا اجلاس ختم ہوگیا ہے ،اسلام آباد پولیس کی نفری الرٹ ہے،دوسری جانب وفاقی وزیر اطلاعات عطا اللہ تارڑ کا کہنا ہے کہ میرے علم میں نہیں کہ کوئی گرفتاری ہو رہی ہے۔
