بلوچستان حکومت نے 10 اضلاع کو آفت زدہ قراردیا ہے۔
نوٹیفکیشن کے مطابق قلات، زیارت، صحبت پور، لسبیلہ، آواران اورکچھی آفت زدہ قراردئیے گئے ہیں،جعفر آباد، اوستہ محمد، لورالائی اور چاغی بھی آفت زدہ اضلاع میں شامل ہیں،پی ڈی ایم اے نے تمام متعلقہ انتظامیہ کو اقدامات اٹھانے کی ہدایت کردی ہے۔
سندھ:میٹرک، انٹر نتائج کا اعلان15 ستمبر تک کرنے کی ہدایت
دوسری جانب پی ڈی ایم اے نے بلوچستان میں بارشوں کے باعث اموات اورمالی نقصانات سے متعلق رپورٹ جاری کی ہے،رپورٹ کے مطابق بلوچستان میں بارش کےباعث مختلف حادثات میں 29افرادجاں بحق ہوئے۔
بلوچستان میں بارش کے باعث مختلف حادثات میں 15 افراد زخمی ،866مکانات منہدم اور13ہزار 808 مکانات جزوی متاثر،ایک لاکھ 9 ہزار 602 افراد متاثر ہوئے۔
بلوچستان کے راستے ایران اور عراق جانے والے زائرین کیلئے خصوصی کمیٹی تشکیل
بلوچستان میں بارشوں کے باعث فصلیں تباہ اور41 کلو میٹر سڑکیں متاثر ہوئیں،4 ہیلتھ کیئریونٹس کو بھی بارش کے باعث نقصان پہنچا ،346 مویشی ہلاک ہوئے ، 7 پلوں کوبھی نقصان پہنچا۔
