پاکستان اسٹاک مارکیٹ میں کاروبار کے آغاز پرمثبت رجحان دیکھنے میں آیا ہے ، دوسری جانب ڈالر کی قیمت میں معمولی کمی ریکارڈ کی گئی ہے۔
کاروباری ہفتے کے دوسرے روز اسٹاک ایکسچینج میں 633 پوائنٹس کا اضافہ ہوا جس کے ساتھ 100 انڈیکس 77 ہزار 718 پوائنٹس کی سطح پر آ گیا ہے۔
انٹر بینک میں ڈالر مزید مہنگا ، اسٹاک مارکیٹ میں تیزی کا رجحان
واضح رہے کہ گزشتہ کاروباری دن کے اختتام پر 100 انڈیکس 1141 پوائنٹس کی کمی کے ساتھ 77 ہزار 84 پوائنٹس کی سطح پر بند ہوا تھا۔
دوسری جانب انٹر بینک میں ڈالر کی قمیت میں ایک پیسے کی کمی ہوئی ہے جس کے بعد ڈالر 278 روپے 62 پیسے کا ہو گیا۔مرکزی بینک کے مطابق گزشتہ روز کاروبار کے اختتام پرڈالر کا ریٹ 278.63 روپے پر بند ہوا تھا۔
