دفتر خارجہ نے جرمنی کے شہر فرینکفرٹ میں پاکستانی قونصل خانے پر شدت پسندوں کے حملے پر مذمتی بیان جاری کر دیا۔
ترجمان دفتر خارجہ ممتاز زہرہ بلوچ کے مطابق پاکستان جرمنی کے شہر فرینکفرٹ میں پاکستانی قونصل خانے پر شدت پسندوں کے ایک گروہ کے حملے اور اپنے قونصلر مشن کے احاطے کے تقدس اور سلامتی کے تحفظ میں جرمن حکام کی ناکامی کی شدید مذمت کرتا ہے۔
یہ وہ نواز شریف نہیں جنہیں میں جانتا تھا، آصف کرمانی
انہوں نے کہا کہ ویانا کنونشن آن قونصلر ریلیشنز 1963 کے تحت یہ میزبان حکومت کی ذمہ داری ہے کہ وہ قونصلر کے احاطے کے تقدس کا تحفظ کرے اور سفارت کاروں کی حفاظت کو یقینی بنائے۔
انہوں نے مزید کہا کہ گزشتہ روز کے واقعے میں فرینکفرٹ میں پاکستان کے قونصل خانے کی سیکیورٹی کو پامال کیا گیا، جس سے قونصلر کے عملے کی زندگیوں کو خطرہ لاحق ہو گیا، ہم جرمن حکومت کو اپنا شدید احتجاج پہنچا رہے ہیں
ہم جرمن حکومت پر زور دیتے ہیں کہ وہ ویانا کنونشن کے تحت اپنی ذمہ داریاں پوری کرنے کے لیے فوری اقدامات کرے، جرمنی میں پاکستان کے سفارتی مشنز اور عملے کی حفاظت کو یقینی بنایا جائے۔
فواد چودھری کی 55 حلقے کھلنے اور 45 دنوں میں نمبر گیم تبدیل ہونے کی پیش گوئی
ترجمان دفتر خارجہ نے جرمن حکام سے بھی مطالبہ کیا کہ واقعے میں ملوث افراد کی گرفتاری اور قانونی کارروائی کے لیے فوری اقدامات کریں ۔
