آج شروع ہونے والا بارش کا سلسلہ 15 جولائی تک جاری رہنے کا امکان

بارش کی پیشگوئی rain

محکمہ موسمیات نے کہا کہ ملک کے مختلف شہروں میں تیز ہواؤں اور گرج چمک کے ساتھ تیز بارش ہونے کا امکان ہے۔

محکمہ موسمیات کے مطابق ملک کے بیشتر علاقوں میں موسم گرم اور مرطوب رہے گا تاہم خیبر پختونخوا، کشمیر اورگلگت بلتستان میں تیز ہواؤں اور گرج چمک کے ساتھ بارش ہونے کا امکان ہے جبکہ شام/رات میں بالائی پنجاب، زیریں بلوچستان اور جنوب مشرقی سندھ میں چند مقامات پر تیز ہواؤں اور گرج چمک کے ساتھ بارش ہونے کی توقع ہے۔ دوسری جانب پی ڈی ایم اے نے الرٹ جاری کرتے ہوئے کہا ہے کہ 10 جولائی سے بحیرہ عرب سے مون سون ہوائیں بالائی علاقوں میں داخل ہوں گی۔

واضح رہے کہ جڑواں شہروں اسلام آباد راولپنڈی میں طوفانی ہواؤں کے بعد موسلاد ھار بارش کی وجہ سے موسم خوشگوار ہو گیا ہے۔ شانگلہ اور گردنواح میں رات سے بارش کا سلسلہ جاری ہے، ہری پوری اور گردونواح میں بھی تیز بارش سے گرمی کا زور ٹوٹ گیا ہے۔

محکمہ موسمیات کے مطابق ہری پور میں بارش کا سلسلہ آئندہ 3 روز تک جاری رہنے کا امکان ہے، پشاور شہرکے مختلف علاقوں میں تیز بارش ہونے سے موسم خوشگوار ہو گیا ہے۔ ایبٹ آباد کے مختلف علاقوں میں بارش اور خان پور ہزارہ میں تیز ہواؤں کے ساتھ بارش سے موسم خوشگوار ہو گیا، مری، میرپور آزاد کشمیر میں بھی بارش کا آغاز ہو گیا ہے۔

کراچی میں بارش، ایک شخص جاں بحق، بجلی کا نظام درہم برہم

اسلام آباد اور گر دو نواح میں موسم گرم اور مرطوب رہنے کا امکان ہے لیکن دن میں بعض مقامات پر بوندا باندی جبکہ رات کو تیز ہواؤں اور گرج چمک کے ساتھ بارش ہونے کاامکان ہے۔

پنجاب کے بیشتر اضلاع میں موسم گرم اور مرطوب رہے گاتاہم شام/رات میں مری،گلیات، راولپنڈی، اٹک، چکوال، تلہ گنگ، جہلم، منڈی بہاؤالدین، گجرات، گوجرانوالہ، حافظ آباد، وزیر آباد، لاہور، شیخوپورہ، سیالکوٹ، نارووال، ساہیوال، جھنگ، ٹوبہ ٹیک سنگھ، ننکانہ صاحب، چنیوٹ، فیصل آباد، خوشاب، سرگودھا، بھکر اور میانوالی میں چند مقامات پر آندھی اور گرج چمک کے ساتھ بارش کا امکان ہے۔

دیر، چترال، سوات، کوہستان، شانگلہ، بٹگرام، ایبٹ آباد، مانسہرہ، ہری پور، خیبر، مہمند،باجوڑ،کرم، میں چند مقامات پر تیز ہواؤں اور گرج چمک کے ساتھ بارش کا امکان ظاہر کیا گیا ہے جبکہ شام/رات میں صوابی،مردان، نوشہرہ، پشاور، کوہاٹ، ہنگو،کرک، لکی مروت، ٹانک، وزیرستان، بنوں اورڈیرہ اسماعیل خان میں چند مقامات پر تیز ہواؤں اور گرج چمک کے ساتھ بارش ہونے کی توقع ہے۔

بلوچستان کے بیشتر اضلاع میں موسم گرم اور مرطوب رہے گاتاہم شام/رات میں خضدار، لسبیلہ، آواران، پنجگور اور گردونواح میں چند مقا مات پر آندھی اور گرج چمک کے ساتھ بارش کا امکان ہے۔

پاکستان کے دشمنوں کو مشترکہ حکمت عملی کے ذریعے مکمل شکست دی جائے گی، وزیر اعظم

سندھ کے بیشتر اضلاع میں موسم گرم اورمرطوب رہے گا تاہم رات میں تھرپارکر، عمر کوٹ اور میرپور خاص سانگھڑمیں تیز ہواؤں اور گرج چمک کے ساتھ بارش کا امکان ہے جبکہ کراچی سمیت ساحلی علاقوں میں ہلکی بارش بھی ہو سکتی ہے۔

کشمیر اور گلگت بلتستان میں چند مقامات پر تیز ہواؤں اور گرج چمک کے ساتھ بارش کا امکان ظاہر کیا گیا ہے، خیبرپختونخوا کے بیشتر اضلاع میں آج سے گرج چمک کیساتھ تیز بارش کا امکان ہے، تیز بارشوں کا سلسلہ آئندہ پیر کے روز تک جاری رہے گا۔

پی ڈی ایم اے کی جانب سے تمام ضلعی انتظامیہ کو موسمی صورتحال کے پیش نظر الرٹ جاری کیا گیا ہے، پی ڈی ایم اے کے مطابق 10 جولائی سے بحیرہ عرب سے مون سون ہوائیں بالائی علاقوں میں داخل ہوں گی، بارشوں سے پہاڑی علاقوں میں لینڈ سلائیڈنگ اور ٹریفک آمدورفت متاثر ہونے کا خطرہ ہے۔

ملک بھر میں آج سے شروع ہونے والا بارشوں کا سلسلہ 15 جولائی تک جاری رہنے کی پیشگوئی کی گئی ہے۔


متعلقہ خبریں