محکمہ موسمیات نے ملک کے مختلف شہروں میں گرج چمک کے ساتھ بارش کا امکان ظاہر کیا ہے۔
محکمہ موسمیات کے مطابق ملک کے بیشترعلاقوں میں موسم گرم اور مرطوب رہے گا تاہم کشمیر، بالائی پنجاب، خطہ پوٹھوہار، بالائی خیبرپختونخوا، شمال مشرقی بلوچستان اور جنوب مشرقی سندھ میں چند مقامات پر آندھی چلنے اورگرج چمک کے ساتھ بارش کا امکان ہے۔
اسلام آباد اور گر دو نواح میں موسم گرم اور مرطوب رہے گا جبکہ رات میں مطلع جزوی ابرآلود رہنے کے علاوہ تیز ہوائیں چلنے اور گرج چمک کے ساتھ بارش کی توقع ہے۔
اسلام آباد بڑی تباہی سے بچ گیا، بارودی مواد برآمد
پنجاب کے بیشتر اضلاع میں موسم گرم اور مرطوب رہے گا،تاہم مری،گلیات،راولپنڈی، جہلم، چکوال، اٹک، میانوالی، خوشاب،سرگودھا منڈی بہاؤ الدین، گجرات،گوجرانوالہ، لاہور، قصور، اوکاڑہ، شیخوپورہ، حافظ آباد، نارووال،سیالکوٹ، فیصل آباد، جھنگ، ٹوبہ ٹیک سنگھ، ساہیوال اورنور پور تھل میں تیز ہوائیں چلنے اور گرج چمک کے ساتھ چند مقامات پربارش کا امکان ہے۔
بہاولپور،بہاولنگر، لیہ، بھکر، ڈیرہ غازی خان،ملتان اور خانیوال میں بعداز دوپہر گرد آلود ہوائیں چلنے کا امکان ہے۔
خیبرپختونخواکے بیشتر میدانی اضلاع میں موسم گرم اور مرطوب رہے گا۔ تاہم شام کو بالاکوٹ، مانسہرہ، ایبٹ آباد،بونیر، سوات، شانگلہ، بٹگرام، ہری پور، صوابی، نوشہرہ، پشاور، کوہاٹ، کرک، خیبر، باجوڑ اورکرم میں چند مقامات پرتیز ہوائیں چلنے اور گرج چمک کے ساتھ بارش کی توقع ہے۔
بلوچستان کے بیشتر اضلاع میں موسم گرم اور مرطوب رہے گا تاہم رات میں ژوب، موسیٰ خیل،بارکھان اور خضدار میں چند مقا مات پر تیز ہوائیں چلنے اور گرج چمک کے ساتھ بارش کا امکان ظاہر کیا گیا ہے۔
سندھ کے بیشتر اضلاع میں موسم گرم اور مرطوب جبکہ ساحلی علاقوں میں مطلع جزوی ابر آلود رہنے کے علاوہ شام یا رات میں مٹھی، بدین، عمرکوٹ، تھرپارکر اور میر پور خاص میں آندھی چلنے اور گرج چمک کے ساتھ بارش ہو سکتی ہے۔
کشمیر میں مطلع جزوی ابر آلود رہنے کے علاوہ تیز ہواؤں اورگرج چمک کے ساتھ بارش کا امکان ہے جبکہ گلگت بلتستان میں مطلع جزوی ابر آلود رہے گا۔
190 ملین پاؤنڈ ریفرنس ، بشریٰ بی بی کی ضمانت منظور
چیف میٹرولوجسٹ سردار سرفراز نے ہم نیوز سے بات کرتے ہوئے کہا کہ آج رات سے 8جولائی تک ملک کے مختلف شہروں میں بارش کا اسپیل داخل ہوگا۔
سردار سرفراز کا کہنا تھا کہ لاہور،فیصل آباد اور گردونواح میں اربن فلڈنگ کاخدشہ ہے،انہوں نے کہا کہ اسلام آباد اورراولپنڈی میں بھی اربن فلڈنگ کاامکان ہے۔
چیف میٹرولوجسٹ کا کہنا تھا کہ کراچی میں 2روز سے سمندری ہوائیں بحال ہیں،کراچی میں 7جولائی سے بارش کا امکان ہے،سکھر اور لاڑکانہ میں بھی بارش ہونے کی توقع ہے۔
ملک کے بالائی علاقوں میں بارش کا امکان ہے،ان کا کہنا تھا کہ 6جولائی سے ملک کے مختلف شہروں میں بارش ہونے کی توقع ہے، آزادکشمیر میں آج رات سے بارش ہونے کا امکان ہے۔
نارتھ پنجاب کے بیشتر حصوں میں بارش کا امکان ہے،سردارسرفراز کا کہنا تھا کہ کل لاہور، فیصل آباد،ساہیوال اور قصورمیں تیز بارش کا امکان ہے، انہوں نے کہا کہ بارش کا اسپیل خیبر پختونخوا کے مختلف علاقوں میں بھی داخل ہو گیا ہے۔
پشاور،مردان،چارسدہ،نوشہرہ اورسوات میں بار ش ہونے کی توقع ہے، چیف میٹرولوجسٹ سردار سرفراز کا کہنا تھا کہ پنجاب بھر میں تیز بارش کا امکان ہے جبکہ اسلام آباد میں بھی تیز ہواؤں کے ساتھ بارش کا امکان ہے۔
بھکر میں کیری ڈبے اور شہ زور میں تصادم، 5 افراد جاں بحق، متعدد زخمی
دوسری جانب صوبائی ڈیزاسٹر منیجمنٹ اتھارٹی (پی ڈی ایم اے) بلوچستان نے موسم کے حوالے سے ایڈوائزری جاری کردی جس کے مطابق صوبے کے 15 اضلاع میں 3 سے 7 جولائی تک گرج چمک کے ساتھ بارشیں متوقع ہیں۔
محکمہ موسمیات کے مطابق آج سے بحیرہ عرب اور خلیج بنگال سے مون سون کی تیز ہوائیں ملک کے بالائی اور وسطی حصوں میں داخل ہونے کا امکان ہے۔بیان میں کہا گیا کہ 3 سے 7 جولائی تک لسبیلہ، خضدار، آواران، جھل مگسی، قلات، نصیر آباد، اوستہ محمد، صحبت پور، جعفرآباد، ڈیرہ بگٹی، موسیٰ خیل، کوہلو، ڑوب، زیارت، بارخان اور ملحقہ علاقوں میں گرج چمک کے ساتھ بارش کا امکان ہے۔
پی ڈی ایم اے حکام کے مطابق کسان موسم کی پیش گوئی کے مطابق فصلوں کی سرگرمیوں کا انتظام کریں، جبکہ عوام سے درخواست کی ہے کہ بارش اور آندھی کے دوران محفوظ مقامات پر رہیں۔انہوں نے کہا کہ موسلادھار بارش، آندھی، گردوغبار اور آسمانی بجلی روزمرہ کے معمولات کو متاثر کر سکتی ہے۔
