پنجاب حکومت کا ماڈل بازاروں سے مفت ہوم ڈیلیوری شروع کرنے کا فیصلہ

وزیر اعلیٰ پنجاب

وزیراعلیٰ پنجاب مریم نواز نے ماڈل بازاروں سے اشیاء کی مفت ہوم ڈیلیوری کے منصوبے کی منظوری دے دی۔اب سستی سبزیاں اور پھل گھر کی دہلیز پر ملیں گے۔

وزیراعلیٰ پنجاب مریم نواز سے ماڈل بازارمینجمنٹ کمپنی کے چیئرمین افضل کھوکھرکی ملاقات ہوئی،چیئرمین افضل کھوکھرنے ماڈل بازار پراجیکٹ کے بارے میں تفصیلی بریفنگ دی۔

پنجاب حکومت نے ماڈل بازاروں سے مفت ہوم ڈیلیوری شروع کرنے کا فیصلہ کیا ہے، وزیراعلی نے ماڈل بازاروں سے آن لائن آرڈرکیلئے موبائل ایپ لانچ کرنے کی ہدایت کی ہے جبکہ ہرضلع میں ایک سال کے اندرماڈل بازار قائم کرنے کا فیصلہ کیا ہے۔

ریلوے پولیس اہلکار کی حاضر دماغی نے بزرگ مسافر کی جان بچا لی

وزیراعلی پنجاب کا کہنا تھا کہ ماڈل بازاروں کو گرین پنجاب سولرماڈل میں منتقل کیا جائے گا،مریم نواز کا کہنا تھا کہ ماڈل بازاروں میں مقررہ نرخ سے کم سبزیاں اورپھلوں کی فروخت یقینی بنایا جائے۔

مریم نواز نے ماڈل بازاروں میں اوزان و پیمائش کی مانیٹرنگ جاری رکھنے کی ہدایت کی، وزیراعلیٰ کا کہنا تھا کہ ماڈل بازار عام آدمی کیلئے ہیں،ہرصورت میں اچھی چیزملنی چاہیے۔


متعلقہ خبریں