وفاقی حکومت کی جانب سے یکم جولائی سے پٹرولیم مصنوعات کی قیمتوں میں اضافے کا امکان ہے ۔
میڈیا رپورٹس کے مطابق پیٹرول کی فی لیٹر قیمت میں 7 روپے اضافہ کیا جا سکتا ہے،اگر پیٹرول کی فی لیٹر قیمت میں 7 روپے اضافہ ہوا تو قیمت بڑھ کر 265.16 روپے ہوجائے گی۔
افغان کھلاڑی اپنا سب کچھ لٹاکر کھیلیں گے، جوناتھن ٹروٹ
دوسری جانب ہائی اسپیڈ ڈیزل کی فی لیٹر قیمت میں 10 روپے 50 پیسے اضافے کا امکان ہے ، اگر یہ اضافہ ہوا تو اس کی نئی قیمت 277.89 ہوجائے گی۔ قیمتوں میں اضافے کی ممکنہ وجہ تیل کی بین الاقوامی قیمتوں میں اضافہ ہوگا۔
قبل ازیں یہ خبریں سامنے آئی تھیں کہ حکومت پٹرولیم مصنوعات پر 18 فیصد جی ایس ٹی عائد کر سکتی ہے جو کہ فی الحال صفر فیصد ہے۔
