پی ٹی آئی دوسرے ممالک میں پاکستان مخالف قانون سازی کروارہی ہے، بیرسٹر عقیل

aqeel

وفاقی حکومت ملک مخالف عناصر کیخلاف قانون کے مطابق کارروائی کرنے کا اعلان کردیا۔

حکومتی ترجمان برائے قانونی امور بیرسٹرعقیل ملک نے کہا ہے کہ پاکستان تمام ممالک کے ساتھ اچھے تعلقات چاہتا ہے، لیکن مخصوص جماعت دوست ممالک کیساتھ تعلقات خراب کرنے پر تلی ہوئی ہے ، ملک مخالف عناصر کیخلاف قانون کے مطابق کارروائی کی جائے گی۔

عید کے دوسرے روز ملک کے بیشتر علاقوں میں بارش کی پیش گوئی

انہوں نے کہا کہ پی ٹی آئی نے تمام حدیں پار کردی ہیں، پاکستان تمام ممالک کے ساتھ برابری کی سطح پر تعلقات چاہتا ہے، ملک مخالف سازشیں کرنے میں پی ٹی آئی کا کوئی ثانی نہیں ہے۔

پی ٹی آئی دوسرے ممالک میں پاکستان مخالف قانون سازی کروارہی ہے، امریکی اراکین کانگریس کو لابنگ فرمز کے ذریعے ہائر کیا گیا، پی ٹی آئی پاکستان کیخلاف ایجنڈے کو زور شور سے پروموٹ کررہی ہے۔

بجٹ کے بعد سولر پینلز کی قیمتوں میں مزید 20 فیصد کمی کا امکان

حکومتی ترجمان کا کہنا تھا کہ پی ٹی آئی نے پاکستان کیخلاف ایک مہم چلائی ہوئی ہے، جوقرارداد پیش کرنے کی کوشش کی گئی اس کے تانے بانے پاکستان دشمنوں سے جا کے ملتے ہیں۔

حکومت پاکستان کو علم ہے کہ کون کونسے لوگ اس مہم کے پیچھے ہیں، آپ حکومت کے ساتھ اپوزیشن کرسکتے ہیں لیکن ریاست کیخلاف نہیں، ریاست کیخلاف اپوزیشن کرنے کی ہم ہر گز اجازت نہیں دیں گے۔

گورنر سندھ کا 300 یونٹ بجلی استعمال کرنے والے کرایہ داروں کو سولر سسٹم دینے کا اعلان

انکا مزید کہنا تھا کہ ان تمام لوگوں کے تانے بانےایک مخصوص سیاسی جماعت سے جا کے ملتے ہیں، آخر کیا مجبوری ہے آپ کی کہ آپ پاکستان کیخلاف مہم چلا رہے ہیں ،ان سب کا ایجنڈا صرف یہی ہے کہ ہم ہیں تو پاکستان ہے۔


متعلقہ خبریں