حکومت مخالف تحریک ، پی ٹی آئی اور جے یو آئی میں معاملات طے ، کمیٹی بنانے کا فیصلہ

حکومت مخالف تحریک

حکومت مخالف تحریک کے حوالے سے پاکستان تحریک انصاف اور جمعیت علمائے اسلام (ف) کے درمیان قربتیں بڑھ گئی ہیں۔

نجی ٹی وی نے ذرائع کے حوالے سے دعویٰ کیا ہے کہ مولانا فضل الرحمٰن کے تحفظات بانی پی ٹی آئی عمران خان تک پہنچ گئے ہیں، جس پر عمران خان نے تحفظات دُور کرنے کی یقین دہانی کروا دی ہے، ان کا پیغام مولانا فضل ا لرحمٰن تک پہنچا دیا گیا ہے۔

جاوید ہاشمی کی مولانا فضل الرحمن سے ملاقات ، حکومت مخالف تحریک میں حمایت کی یقین دہانی

ذرائع کے مطابق عمران خان نے مولانا فضل الرحمٰن سے مل کر معاملات طے کرنے کے لیے تین رکنی کمیٹی تشکیل دینے کا کہہ دیا ہے، کمیٹی متفقہ حکمت عملی طے کرے گی ، اس کمیٹی کی سربراہی اسد قیصر کریں گے۔

رپورٹ کے مطابق پی ٹی آئی اور جے یو آئی کے درمیان متفقہ حکمت عملی کے لیے احتجاجی تحریک سمیت دیگر نکات پر اتفاق رائے طے پانے کی صورت میں مولانا فضل الرحمٰن اور عمران خان دستخط کریں گے۔

 

 


متعلقہ خبریں