کراچی کے شہریوں کے لیے بجلی 9 روپے 98 پیسے فی یونٹ مہنگی

Electricity بجلی کی فی یونٹ

نیشنل الیکٹرک پاور ریگولیٹری اتھارٹی (نیپرا) نے کراچی کے شہریوں کے لیے بجلی 9 روپے 98 پیسے فی یونٹ مہنگی کر دی۔

نیپرا نے کے الیکٹرک صارفین کیلئے بجلی مہنگی کرنے کا نوٹیفکیشن جاری کردیا، بجلی 9 ماہ کی ماہانہ فیول ایڈجسٹمنٹ کی مد میں مہنگی کی گئی، کے الیکٹرک صارفین سے جون تا ستمبر اضافی وصولیاں کی جائیں گی۔

نوٹیفکیشن میں کہا گیا کہ صارفین سے اضافی وصولیاں جون تا ستمبر 2024 میں کی جائیں گی، کے الیکٹرک صارفین سے جون میں 2 روپے 68 پیسے فی یونٹ اضافی وصول کیے جائیں گے، جولائی میں 3 روپے 11 پیسے فی یونٹ اضافی وصول کیے جائیں گے۔

ایک ماہ کیلئے بجلی کی فی یونٹ قیمت میں 3 روپے33 پیسے کا اضافہ

اسی طرح کے الیکٹرک صارفین کو اگست میں 3 روپے 22 پیسے فی یونٹ اضافی دینے ہوں گے جبکہ ستمبر میں کے الیکٹرک صارفین سے ایک روپے فی یونٹ اضافی وصول کیے جائیں گے۔ اس طرح کراچی کے صارفین بجلی  9 روپے 98 پیسے فی یونٹ ادا کریں گے۔

نیپرا کے نوٹیفکیشن میں مزید کہا گیا ہے کہ اضافے کا اطلاق کے الیکٹرک کے لائف لائن اور الیکٹرک وہیکل چارجنگ اسٹیشنز پر نہیں ہو گا۔

واضح رہے کہ کے الیکٹرک نے نیشنل الیکٹرک پاور ریگولیٹری اتھارٹی (نیپرا) کو اکتوبر 2023ء تا مارچ 2024ء کے لیے درخواست دی تھی۔


متعلقہ خبریں