کام نہ ہوتو کیا وزیر کا سر پھوڑا جائے؟ پی ٹی آئی عہدیدار نے وزیراعلیٰ سے رائے مانگ لی

ندیم اتمان

کام نہ ہوتو کیا وزیر کا سر پھوڑا جائے؟ پی ٹی آئی عہدیدار نے وزیراعلیٰ خیبرپختونخوا علی امین گنڈاپور سے رائے مانگ لی۔

پی ٹی آئی کے سرگرم کارکن اور پشاور کے نائب صدر ندیم اتمان خیل نے ورکرز کے کام نہ کرنے پر وزرا کے سر پھوڑنے سے متعلق وزیراعلیٰ سے رائے مانگ لی۔

ندیم اتمان خیل کا وزیرصحت کے دفتر سے جاری ویڈیو بیان سوشل میڈیا پر وائرل ہے جس میں ان کا کہنا تھا کہ پارٹی کا سینئر ورکر ہوں، ایک ہفتے سے وزیرصحت کے دفتر میں آکرخوار ہورہا ہوں، حلقے کے عوام کے کام لے کر آتا ہوں لیکن کوئی کام نہیں ہورہا۔

خیبر پختونخوا کے 5 اضلاع میں زیر زمین پانی کی سطح تیزی سے گرنے لگی

ندیم اتمان خیل کے مطابق وزیراعلیٰ نے کہا تھا کہ کوئی افسر رشوت لیتا ہے اور کام نہیں کرتا تو پتھر اٹھا کراس کا سر پھوڑیں؟علی امین گنڈاپور سے پوچھنا چاہتا ہوں کہ کوئی وزیر ورکر کا کام نہ کرے تو اس کے ساتھ کیا رویہ اختیار کیا جائے؟

ندیم اتمان خیل کا کہنا تھا کہ کیا وزیر کا سر بھی پھوڑا جائے یا نہیں، کیا وہ اس سے بالاتر ہے؟ وارننگ دے رہا ہوں اگر ورکر کا کام نہیں ہوگا تو کوئی وزیر آفس میں کام نہیں کرے گا۔


متعلقہ خبریں