آئی ایم ایف کا نئے قرض پروگرام کیلئے ڈومور کا مطالبہ

IMF آئی ایم ایف

آئی ایم ایف نے نئے قرض پروگرام کے لیے ڈومور کا مطالبہ کردیا ہے ۔

ذرائع کا کہنا ہے کہ آئی ایم ایف نے پاکستان کو درآمدات پر عائد پابندیاں کم کرنے کی ہدایت کر دی ہے۔وزارت خزانہ کو برآمدی شعبوں کو دی جانے والی سبسڈی بھی ختم کرنےکی ہدایت کی گئی ہے۔

ٹیکس گوشوارے جمع کرانے پر7ہزار 167 سمز بحال

آئی ایم ایف کا مزید کہنا ہے کہ نئے مالی سال کے بجٹ میں درآمدات پر ڈیوٹیز کم کی جائے، درآمدات پر عائد پابندیاں بھی مرحلہ وار ختم کرنے کی ہدایت کی گئی ہے۔

ذرائع کے مطابق آئی ایم ایف اور وزارت خزانہ نے درآمدات پر عائد ڈیوٹیوں میں کمی پر اتفاق کرلیا ہے،دوسری جانب  وزارت تجارت نے ٹیرف میں کمی کے فیصلے میں مقامی صنعت کے تحفظ کو اولین ترجیح دینے پر زوردیا ہے۔

200یونٹ تک بجلی استعمال کرنے والے صارفین کو ریلیف دینے پر اتفاق

ٹیرف میں کمی کا فیصلہ مقامی مارکیٹ کے تحفظ کو پیش نظر رکھ کر کیاجانا چاہیے،وزارت تجارت نے درآمدات پر عائد پابندیاں مکمل طور پر ختم کرنے کی بھی مخالفت کی ہے۔

ذرائع وزارت تجارت کا کہنا ہے کہ درآمدات پر پابندیاں مکمل طور پر ختم کرنے سے زرمبادلہ پر منفی اثرات مرتب ہوسکتے ہیں۔


ٹیگز :
متعلقہ خبریں