وفاقی حکومت کا اسپیس ٹیکنالوجی کے ساتھ اسکولوں کے بچوں کو علم فلکیات سے متعارف کروانے کا فیصلہ

علم فلکیات telescope

وفاقی حکومت نے اسپیس ٹیکنالوجی کے ساتھ اسکولوں کے بچوں کو علم فلکیات سے متعارف کروانے کا فیصلہ کر لیا۔

ذرائع کے مطابق وزارت تعلیم نے اسلام آباد کے سرکاری اسکولوں میں علم فلکیات کی ترویج پر کام شروع کردیا۔

پاکستانی طلبہ نے ہوائی فائرنگ کا پتہ لگانے والا سافٹ وئیر اور حیرت انگیز ویل چیئر تیار کرلی

سیکرٹری وزارت تعلیم محی الدین وانی نے اسلام آباد کے اسکولوں میں بڑی ٹیلی اسکوپس نصب کرنے کے لئے متعلقہ محکموں کو ہدایات جاری کردیں۔

پہلے مرحلے میں بطور آزمائش ایک اسکول میں بڑی ٹیلی اسکوپ نصب کی جائے گی جس سے 27 مئی کو بچوں کو چاند کا مشاہدہ کروایا جائے گا۔

ٹیلی اسکوپ سیشن میں سرکاری اسکولوں کے طالب علم خلا اور سیاروں کا مشاہدہ کرسکیں گے، پہلے مرحلے میں 10 سے 12 اسکولوں کے طالب علموں کو بڑی ٹیلی اسکوپ سے مشاہدہ کروایا جائے گا۔

شدید گرمی، وزیراعلیٰ پنجاب نے تعلیمی اداروں میں جلد چھٹیوں کی منظوری دیدی

27 مئی کی رات 9 سے 10 ساڑھے بجے کے درمیان چاند، ستاروں اور آسمان کا مشاہدہ کیا جاسکے گا۔ ٹیلی اسکوپ سیشن میں بچوں کے ساتھ اساتذہ اور بچوں کے والدین شرکت کریں گے۔

دن کے اوقات میں بچوں کو سولر چشموں سے سورج کا مشاہدہ بھی کروایا جائے گا۔سیکرٹری وزارت تعلیم محی الدین وانی نے کہا کہ گرمی کی چھٹیوں کے بعد کوشش ہوگی ہر پرائمری اسکول میں ایک بڑی ٹیلی اسکوپ مہیا کی جاسکے، بچوں کو کائنات کے علوم سے روشناس کروایا جانا وقت کی اہم ضرورت ہے۔


متعلقہ خبریں