چیئرمین وفاقی تعلیمی بورڈ قیصر عالم کو عہدے سے ہٹا دیا گیا ہے۔
کابینہ نے سید جنید اخلاق کو قائم مقام چیئرمین وفاقی تعلیمی بورڈ تعینات کرنے کی منظوری دیدی ۔نوٹیفکیشن کے مطابق سید جنید اخلاق کو چیئرمین فیڈرل بورڈ کا اضافی چارج دیا گیا ہے۔
نان فائلرز کے لوڈ اور ڈیٹا پر اضافی ٹیکس، پلان بی پر عملدرآمد کیلئے گرین سگنل
دوسری جانب پنجاب کریکلم اینڈ ٹیکسٹ بک بورڈ کا ادارہ ختم کرنے کا فیصلہ کر لیا گیا۔ذرائع پی سی ٹی بی بی کا کہنا تھا کہ تعلیم کے چار مختلف اداروں کو ایک کردیا جائے گا، پنجاب ٹیکسٹ بک بورڈ، پنجاب ایجوکیشن کمیشن، اساتذہ کی ٹریننگ کو ایک ادارے میں ضم کردیا جائے گا اور نصاب بنانے کا ادارہ بھی ضم کردیا جائے گا۔
ذرائع نے بتایا کہ وزیراعلی پنجاب محکمے کی سربراہ ہوں گی،وزیر تعلیم محکمے کے وائس چئیرپرسن ہوں گے، نصابی امور میں نجی اداروں کے لوگ بھی محکمے میں شامل کئے جائیں گے۔
صوبائی وزیر تعلیم رانا سکندر حیات کا کہنا تھا کہ رواں سال بجٹ سے پہلے ایک ادارہ تشکیل دے دیں گے، کتاب بنانے والا پہلے استاد سے مشاورت کرے گا۔
ایک ہفتے میں مہنگائی 1.39فیصد کم ہوگئی
امتحان بنانے والا، چیک کرنے والا بھی اساتذہ اور طلبا کو نظر میں رکھے گا۔رانا سکندر حیات کا مزید کہنا تھا کہ کتاب بنانے والے کو پتا نہیں استاد کیا پڑھاسکتا ہے۔
امتحان بنانے والے کو پتا نہیں پڑھایا کیسے گیا، استاد جو پڑھاتا نہیں وہ نصاب میں شامل ہے، الگ محکمے ہونے کی وجہ سے نقل اور فیل طلبا کی تعداد بڑھی۔
