کنڑ فلموں کی معروف اداکارہ ہرشیکا پونچھا ریسٹورنٹ کی پارکنگ میں اپنی فیملی کے ساتھ نامعلوم افراد کی جانب سے ہراساں اور لوٹ مار کی کوشش کیے جانے پر پھٹ پڑیں اور کہا کہ کیا ہم کسی دشمن ملک میں رہ رہے ہیں۔
فلم انڈسٹری میں پسندیدہ لوگوں کو ہی کام دیا جاتا ہے، پرینیتی چوپڑا
ہرشیکا پونچھا نے اپنے انسٹاگرام پر کی گئی پوسٹ میں اس واقعے کی ویڈیو شیئر کی ہے جس میں دیکھا جاسکتا ہے کہ اداکارہ اپنے شوہر اور دیگر اہلخانہ کے ساتھ کار میں بیٹھی ہوئی ہیں اور باہر موجود کئی افراد ان سے بحث اور چھینا جھپٹی کی کوشش کررہے ہیں جبکہ واقعے کی اطلاع ملنے کے باوجود پولیس نے بھی ان پر کوئی توجہ نہیں دی۔
اداکارہ نے لوگوں اور پولیس کے اس رویے پر شدید غصے کا اظہار کرتے ہوئے اپنی پوسٹ میں لکھا ہے کہ کیا ہم کسی دشمن ملک میں رہ رہے ہیں؟
آج کل ذہنی تناؤ سے گزر رہی ہوں،ہانیہ عامر کا انکشاف
پولیس کا اس واقعے کے بارے میں کہنا ہے کہ یہ واقعہ دو اپریل کو پیش آیا تھا جس کے بعد ہم نے متعلقہ افراد سے رابطہ کیا تھا مگر انہوں نے کوئی شکایت درج نہیں کرائی اور مزید وقت مانگ لیا، اور ہم اب تک ان کی جانب سے باقاعدہ شکایت درج کرائے جانے کا انتظار کررہے ہیں۔