انڈونیشیا میں کئی روز سے جاری بارشوں نے تباہی مچا دی، بارشوں کے نتیجے میں درجنوں افراد ہلاک اور سینکڑوں مکانات تباہ ہو گئے۔
غیر ملکی خبر رساں ادارے کے مطابق حکام نے بتایا کہ انڈونیشیا کے صوبے ویسٹ سماٹرا میں بارشوں کے نتیجے میں آنے والے سیلاب اور لینڈ سلائیڈنگ کی وجہ سے19 افراد ہلاک جبکہ 7 افراد لاپتہ ہیں۔
پنجاب، بلوچستان، گلگت بلتستان اورخیبر پختونخوا کے مختلف علاقوں میں بارش کی پیشگوئی
صوبائی دارالحکومت پڈانگ سمیت دیگر علاقوں میں کم و بیش 700 مکانات تباہ ہو گئے اور کئی پُل اور اسکولوں کو نقصان پہنچا ،اس کے علاوہ 70 ہزار افراد کو نقل مکانی کرنا پڑی۔ جبکہ 113 ہیکٹر زرعی زمین بھی متاثر ہوئی۔
انڈونیشیا کی ریسکیو ایجنسی کے مطابق 150 ریسکیو اہلکار لاپتہ افراد کی تلاش میں مصروف ہیں۔
امریکی ریاست ٹینیسی میں بارش اور طوفانی بگولوں سے تباہی ، 6 افراد ہلاک ، املاک کو بھی نقصان
انڈونیشیا کی ڈیزاسٹر ایجنسی نے آنے والے دنوں میں مزید بارشوں کے امکان کے پیش نظر سیلاب اور لینڈ سلائیڈنگ سے مزید نقصانات کے حوالے سے خبردار کیا ہے۔
