اٹلی میں پاکستانی باکسر نے ساتھی خاتون باکسر کے بیگ سے رقم چوری کر لی اور فرار ہوگیا۔
قومی اسمبلی میں تقریر: عمر ایوب ، شہبازشریف پر بازی لے گئے
سیکرٹری پاکستان باکسنگ فیڈریشن کرنل ناصر بیگ نے واقعے کی تصدیق کرتے ہوئے بتایا کہ خاتون باکسر ٹریننگ کیلئے باہر گئیں تو زوہیب رشید نے ہوٹل کے استقبالیے سے کمرے کی چابی لی اور بیگ سے پاؤنڈ لیکر فرار ہو گئے۔
انہوں نے بتایا کہ خاتون باکسر کے بیگ میں تقریباً 250 پاؤنڈ (تقریباً 88 ہزار پاکستانی روپے) موجود تھے۔زوہیب رشید اپنی پہلی فائٹ کیلئے بھی نہیں آئے اور 51 کلو گرام کیٹگری میں زوہیب رشید کے مدمقابل باکسر کو واک اوور دے دیا گیا۔
بجلی مہنگی ہونے سے سولر پینلز کی قیمتیں بھی بڑھ گئیں
سیکرٹری پاکستان باکسنگ فیڈریشن نے مزید کہا کہ زوہیب رشید کل سے لاپتہ ہیں جس کی پولیس میں رپورٹ بھی درج کرا دی ہے۔زوہیب رشید نے 2022 میں ایشین چیمپئن شپ میں کانسی کا تمغہ جیتا تھا، زوہیب رشید جونئیر سطح پر بھی میڈل جیت چکے ہیں۔
پٹرولیم مصنوعات کی طلب 5ماہ کی کم ترین سطح پر جا پہنچی
یاد رہے پاکستان کی باکسنگ ٹیم ان دنوں اٹلی میں ہے جہاں پیرس اولمپکس کے کوالیفائنگ رائونڈ جاری ہیں، پاکستان ٹیم میں تین مرد اور دو ویمنز باکسر شامل ہیں۔
