آر پی او راولپنڈی کی چھٹی 30 جنوری 2024 کو منظور کی گئی، محسن نقوی

محسن نقوی

نگران وزیراعلی پنجاب محسن نقوی نے آرپی او راولپنڈی سید خرم علی کی چھٹی کے حوالے اہم بیان جاری کر دیا۔

سماجی رابطوں کی ویب سائٹ ایکس (سابقہ ٹویٹر) پر محسن نقوی نے آرپی او راولپنڈی کے چھٹی کا نوٹیفکیشن شیئر کیا اور کہا کہ ”آر پی او راولپنڈی  سید خرم علی کی چھٹی 30 جنوری 2024 کو منظور کی گئی تھی اور 31 جنوری 2024 کو مطلع کیا گیا تھا۔

تحریک انصاف اور سنی اتحاد کونسل کے درمیان معاملات طے پا گئے

انہوں نے کہا کہ مثبت کو فروغ دیں اور غیر ضروری تنازعات سے پرہیز کریں، آر پی او راولپنڈی ایک پیشہ ور افسر ہیں جو ہمارے احترام کے مستحق ہیں۔

خیال رہے کہ ریجنل پولیس آفیسر (آر پی او) راولپنڈی سید خرم علی چھٹی پر بیرون ملک چلے گئے ہیں ۔ ترجمان آر پی او راولپنڈی کے مطابق سید خرم علی 15 روز کی چھٹی پر بیرون ملک گئے ہیں ، آر پی اور 16 فروری کو ہی رخصت پر چلے گئے تھے۔

ترجمان نے مزید بتایا کہ گزشتہ روز کی پریس کانفرنس میں آر پی او کا نام شامل ہونے پر پوچھ گچھ کی جا رہی ہے، آرپی او سید خرم علی فیملی کے ہمراہ برطانیہ گئے ہیں،  وہ 2 مارچ کو واپس آئیں گے۔ ترجمان نے بتایا کہ خرم علی نے انتخابات سے قبل چھٹی کی درخواست دی تھی۔

مزید امیدواروں کی کامیابی کا نوٹیفکیشن جاری

ادھرراولپنڈی پولیس نے وضاحت کی ہے کہ آر پی او سید خرم علی پہلے سے منظور شدہ چھٹی پر 18 فروری سے 02 مارچ تک ایکس پاکستان لیو پر ہیں، آر پی او راولپنڈی نے بیرون ملک برطانیہ جانے کے لئے ایک ماہ قبل چھٹی اپلائی کی تھی جو دو ہفتے قبل منظور ہوئی تھی، چھٹی کےعرصہ میں آر پی او کےعہدے کا چارج سی پی او سید خالد ہمدانی کے پاس ہے۔

 


متعلقہ خبریں