انسداد دہشت گردی عدالت نے صدر پی ٹی آئی سندھ حلیم عادل شیخ کی مزید 2مقدمات میں ضمانت منظور کر لی ہے۔
انسداد دہشت گردی عدالت میں جلاؤ گھیراؤ اور کار سرکار میں مداخلت کے مقدمات کی سماعت ہوئی، عدالت نے حلیم عادل شیخ کو جیل سے رہا کرنے کا حکم دے دیا۔
رانا ثنا اللہ نے شکست تسلیم کرلی
یاد رہے حلیم عادل شیخ کو تھانہ سولجر بازار اور فیروز آباد تھانوں میں درج مقدمات میں گرفتار کیا گیا تھا، ان کو 9 مئی کے بعد مجموعی طور پر 42 مقدمات میں گرفتار کیا گیا تھا۔عدالت 9 مئی سمیت تمام مقدمات میں ضمانت منظور کر چکی ہے۔
دوسری جانب ترجمان کا کہنا ہے کہ حلیم عادل شیخ کو کل سینٹرل جیل سے رہا کیا جائے گا۔
